صابرين تكشف تفاصيل شفائها من كورونا: التزمت بالإجراءات والأعراض ملهاش كتالوج

قالت الفنانة صابرين، إنها لا تعلم كيف أصيبت بفيروس كورونا، مضيفة:"الكارثة في كورونا واللى حسيته من خلال تجربتي من الإصابة بالفيروس بتصيب العائلة مش فرد واحد، ومفيش حد من كل اللي حواليا إلا العائلة بالكامل كورونا، والكارثة إن في أصحاء جدا حاملين فيروس كورونا ومعندهمش أي أعراض ومش مصدقين إن عندهم الفيروس.
وأضافت الفنانة صابرين في تصريحات لتليفزيون اليوم السابع،:"أعراض كورونا أصبحت مختلفة، والأعراض ملهاش كتالوج"، مؤكدا أنها كانت متلزمة لأقصى درجة بالإجراءات الوقائية، لدرجة أنهم كانوا بيضحكوا عليا،" وتابعت: "وأنا كان في المهرجان جنبي ليلي علوي وإلهام شاهين ومها مدبولى ومادلين مطر وهانى ورمزى وأنا ماسكة الكحول وكله يقولى رشه، مضيفة:" الكارثة اللى ماكنتش اعرفها أن كثرة الكحول على الإيد يخلى مفيش مناعة للفيروس عليها، والكل بيقولى اغسلي إيديكي مياه وصابون"
وتابعت الفنانة صابرين: "والله كنت ببقي سايقة العربية لوحدى ولابسه الكمامة، والكل كان بيقولي خطر، وكنت بروح البيت باخد أدوية بسبب ألم الحلق"، وأضافت: "السنة اللى فاتت كنت بصور مسلسل ليالينا 80 وكنا في التصوير وبعديه فيلم النمس والأنس كل ده ومفيش حاجه أو إصابة واحدة المرة دي شرسة"، وتابعت:"في حاجه في مهمة أنا كنت باخد زنك وفيتامين c وأدوية مقوية للرئة، وكانوا بالنسبالى زي الفطار لأن الدكتور قالي طالما هتصوري التزمي بالحاجات دي، وأنا الحمد لله اللي وقفني على رجلي هو انى ملتزمة بالحاجات دي بقالي سنة ولكن باقي العيلة كلهم نزل علي صدرهم وكحة جامدة.
وأوضحت لازم ناكل برتقال كتير وتناول الزنجنبيل وقرنفل وتناول العسل الأبيض، مشيرا إلى أن الأعراض التي شعرت بها عبارة عن عدم اتزان وسخونية وصداع وتكسير في العظام، وتابعت:" أولادى ابنى الكبير كان إيجابي وزوجي بالإضافة لأخويا ومراته"، وتابعت:"أنها تعلمت من هذه التجربة أن الحالة النفسية تكون في السماء وكورونا تحدى وتعملها حساب ونسمع كلام الأطباء".

صابرين
الاجراءات الوقائية
فيروس كورونا
الفنانة صابرين
تليفزيون اليوم السابع
الموضوعات المتعلقة
حمزة نمرة لتليفزيون اليوم السابع: شرف لى الغناء لمصر وأتمنى غناء تتر "الاختيار 2"
الإثنين، 21 ديسمبر 2020 11:45 م
حمزة نمرة لتليفزيون اليوم السابع: أعيش فى لندن بسبب عملى.. وأزور مصر سنويًا ولا أتعرض لمضايقات
الإثنين، 21 ديسمبر 2020 11:30 م
نشرة تليفزيون اليوم السابع: محمد صلاح يفوز بأفضل لاعب فى إنجلترا 2020.. فيديو
الإثنين، 21 ديسمبر 2020 05:15 م
ضبط سيدة فيديو تعذيب ابن زوجها لرفضه أداء أعمال منزلية فى نشرة تليفزيون اليوم السابع
الإثنين، 21 ديسمبر 2020 05:00 م