مدرسة الزحاليق VS السوشيال ميديا.. مدير المدرسة يرد على سخرية مواقع التواصل: اسمها مش عورة ودى ناس بتستظرف.. عمدة القرية: أهل البلد زعلانين ومش هنغير اسم عمره أكثر من قرن.. ورواد السوشيال: دي أكيد مدرسة جيرالدو

خلال الساعات الماضية فوجئ أهالى قرية الزحاليق بمحافظة كفر الشيخ بأن المدرسة الابتدائية بالقرية أصبحت فى مرمى "قلش" وسخرية السوشيال ميديا حتى تحولت إلى "تريند" يتبارى مستخدمو السوشيال ميديا فى ابتكار "إفيه" جديد من اسم المدرسة، من "دى أكيد مدرسة جيرالدو" و"ياترى بيعلموا الطلبة فيها إيه" إلى "ياترى ركوب الزحليقة بكام" و"عايزة اشتغل مدرسة زحاليق فى المدرسة".

بوست ساخر على السوشيال ميديا

أما شرارة السخرية فكانت مجرد صورة التقطت للمدرسة خلال رصد التصويت فى الانتخابات تحولت فيما بعد إلى مصدر إزعاج كبير لأهالى القرية، مع إعادة السوشيال ميديا تداولها حسبما قال "عزت المنسي" مدير مدرسة الزحاليق الابتدائية ل"اليوم السابع" الذى أكد أن هذه المرة الأولى التى يواجهون فيها سخرية من اسم القرية.

بوست على السوشيال ميديا

"دى ناس بتستظرف وبتستخف دمها" كان هذا تعليق مدير المدرسة على السخرية من الاسم وأضاف "مافيش واحد محترم يسخر من الاسم، دا عادى جدًا لا عورة ولا اسم عيب وفى أسامى قرى أسوأ من كده".

أما رد فعله الأول على هذه التعليقات حين فوجئ بها على السوشيال ميديا فكان محاولة الحوار مع أصحابها وقال: "فى ناس محترمة فهمت واتقبلت وناس ما بتتقبلش"، مضيفًا باعتزاز "قريتنا صغيرة لكن فيها ماشاء الله 100 إمام وخطيب و5 مديرين إدارة أوقاف ومستشارين ودكاترة وصيادلة، ونسبة تعليم عالية وبلد متحضرة جدًا اكتر من بعض المدن".

صورة من داخل المدرسة

وعلى عكس بعض القرى التى طالب أهلها بتغيير اسمها بسبب السخرية منه، قال المنسى: "أنا بتشرف إنى من الزحاليق، وأى حد يشوف ناسها يتشرف، ما قدرش أغير اسم بلدى ولو غيرت اسمها يبقى قطعت كل ماضيها"، مشيرًا إلى القصة التى كانت سببًا فى الاسم "الزحاليق مرتبطة بواقعة معينة أيام الإقطاعيين، كانت البلد كلها ملك إقطاعى وكان يمشى بالحصان فى إقطاعيته، وجه عند المكان ده واتزحلق فبقى دا اسمها".

اتفق معه عمدة القرية محمد زكريا الذى قال ل"اليوم السابع": "أهل البلد زعلانين جدًا من السخرية، ده عيب، لكن عمرنا ما نطلب بتغيير اسمها، ليه نغير اسم بقاله أكتر من قرن؟".
مدرسة الزحاليق
الزحاليق
نجع الزحاليق
جيرالدو
عمدة الزحاليق
مدرسه الزحاليق
السخرية من مدرسة الزحاليق
الموضوعات المتعلقة
أزمة أسماء القرى المنافية للآداب تصل البرلمان.. أبوشقة: لا تحتاج لتشريع.. وأحمد العوضى يقترح إطلاق أسماء الشهداء عليها.. ومحافظ الدقهلية ينتقد طلب النيابة الإدارية تعديل الأسماء الشاذة: "الأهالى هما اللى سموها"
الإثنين، 25 نوفمبر 2019 01:30 م