إبراهيم حسن يتعرض لحادث بطريق الكورنيش بالإسكندرية.. صور

الإسكندرية أسماء على بدر - محمد تهامى زكى
تعرض الكابتن إبراهيم حسن لاعب الأهلى والزمالك ومنتخب مصر السابق، لحادث فى الساعات الأولى من صباح اليوم، أثناء قيادة سيارته الخاصة بمنطقة لوران على كورنيش الإسكندرية، واصطدمه بسيارة آخرى وأصيب شخص وتم استدعاء سياره إسعاف.

ونتج عن الحادث تعرض سيارته لخبطات شديده وتوقف حركة السير بطريق الكورنيش بالإسكندرية.

يذكر أن الكابتن ابراهيم حسن وشقيقة الكابتن حسام حسن يقودان الفريق الأول لنادي الاتحاد السكندري .




من ناحية أخرى، يرى إبراهيم حسن مدير الكرة فى الاتحاد السكندرى، أن زعيم الثغر تعرض لظلم تحكيمى واضح خلال مباراته الأخيرة مع الأهلى فى نصف نهائى كأس مصر، والتى فاز فيها الأهلى بهدفين مقابل هدف، وقال إبراهيم حسن فى تصريحات لبرنامج "ملعب أون تايم" مع الإعلامى سيف زاهر: كان عندنا طموح وأمل فى مباراة الأهلى بكأس مصر، وكان طموحنا الفوز بالبطولة وكانت فى المتناول، مع احترامنا للأهلى أكبر ناد فى أفريقيا، ولكننا كنا مستعدين، كنا عايزين نحقق حاجة للنادى والجماهير، مش عيب انك تخسر ولكن العيب انك تحس إن فى ظلم عليك.


أضاف: كل اللى طلبته من الحكم قولتله لو سمحت ممكن تروح تبص على الفار، زي ما كان فى قرار بركلة جزاء ضد الأهلى واتعادت واتحسبت فاول، لكن أنا كان ليا فرصة أكبر للتتويج بالبطولة مع طلائع الجيش، وكان ممكن يتحقق حلم جماهير إسكندرية، لقيته بيرفض وبيقولى الفار بلغنى انها مش ضربة جزاء، قولتله طب روح بص عليها قالى لا ..هل لو العكس صحيح وهى ركلة جزاء للأهلى كان هيمعمل كدة؟.


استكمل: الحكام بيعملوا حساب لألوان الفانلات، بسبب السوشيال ميديا والجماهير اللى هتاجم لكن احنا سهل، بدليل ان الموضوع حصل واتنسى، وكذلك فاول معلول فى الهدف وكنا نقترب من الوقت الإضافى.
واصل: حسام حسن تفوق على موسيمانى، أنا ابن الأهلى أنا وحسام لكن ككورة حتى الأهلاوية عارفين إن الزمالك كان أفضل فنياً من الأهلى في نهائي أفريقيا ونفس الشيء المباراة بتاعتى وطلائع الجيش، أنا مش ضد موسيمانى، ولكن الحالة الفنية بتقول ان مفيش ماتش اتلعب كويس باستثناء ماتش الوداد فى المغرب.
أردف: الطبيعى ان الأهلى هيكسب مع أى حد، وفى ناس كانت قاعدة فى البيت وبتيجى طوارئ للأهلى وتكسب بطولات.
واختتم: بدر بانون لاعب كويس بس عادى والأهلى يقدر يجيب لاعيبة أعلى من كدة بكتير، وفى لاعب أفريقى فى متناول الأهلى بالدورى والنادى ما بصش عليه، لكن مفيش لاعب يستحق 50 و 90 مليون اللى بيحصل ده تهريج، رمضان صبحى يستاهل لكن المبالغ مبالغ فيها، اللى بيحصل ده انت بتدلع اللاعيبة، ومفيش لاعب مستواه ثابت، احنا روحنا الزمالك ب 225 ألف جنيه، أنا وحسام.

حادث تصادم إبراهيم حسن
ابراهيم حسن
حسام حسن
حادث ابراهيم حسن
الاسكندريه
حادثه ابراهيم حسن
الموضوعات المتعلقة
ننشر خطاب "كاف" لبيراميدز بشأن إيقاف إبراهيم حسن
الثلاثاء، 08 ديسمبر 2020 09:42 م
بيراميدز يُعلق على عقوبة إيقاف إبراهيم حسن شهرين: "أخطأ دون قصد"
الثلاثاء، 08 ديسمبر 2020 10:56 م
نشرة الحصاد من تليفزيون اليوم السابع.. التعليم: إصابة 500 طالب بكورونا.. اقتصاد مصر يحقق ثانى أعلى معدل نمو بالعالم..وقف إبراهيم حسن لاعب بيراميدز عامين بسبب المنشطات.. وترامب يهدد فايزر بقانون الإنتاج الدفاعى
الثلاثاء، 08 ديسمبر 2020 11:18 م
إبراهيم حسن: برشام برد سبب المنشطات.. وغلطة مش هتتكرر تانى
الثلاثاء، 08 ديسمبر 2020 11:58 م