عمرو أديب ردا على دعوات الإخوان لاقتحام مدينة الإنتاج: هطلعلكوا من الحمام

علق الإعلامى عمرو أديب على هاشتاج اقتحموا مدينة الإنتاج الإعلامى، الذى أطلقه عناصر جماعة الإخوان الإرهابية، قائلا: "الإخوان عندهم مبدأ وحش أوى، هو مبدأ الإزالة، بمعنى أنهم معندهومش شخص قادر على المناقشة والإقناع ومعندوهمش أى مواهب، هما ناس ضعيفة وأسهل حاجة عندهم هى الموت أو القتل أو الإزالة عشان يخلص، تروح للشيخ منهم تقوله الحل ايه يقولك شيل على طول، عشان كدة طلعوا هاشتاج بالشكل ده".

وأضاف عمرو أديب خلال برنامج الحكاية الذى يذاع على قناة mbc مصر: "الناس دى دماغها تعبانة أوى بصراحة، الزمن اتغير يا جماعة، مفيش حاجة اسمها تقفل قناة، لا الكلام ده كان زمان، أنا ممكن أطلعلك دلوقتى من الحمام عادى جدا، وتلاقينى بهزأك وبرد عليك وبفحمك، لازم تبقوا عارفين كدة كويس، الإعلام مش هيقف لو مدينة الإنتاج وقفت، فدعواتكم دى مالهاش لازمة".

وقال: "الإخوان بقى عندهم هيستريا الهاشتاج، على فكرة هما غيروا اقتحام مدينة الإنتاج وبقت مدينة الإنتاج بس، قال يعنى بيضحكوا على تويتر، هو تويتر ده مفيهوش حد بيفهم عربى يا جماعة؟ الحمد لله الداخلية بتاعتنا مفيش مشاكل أو حاجة نتوقف عندها، والأمور ماشية بشكل طبيعى، والأمن بيتعامل بشكل جيد جدا بمنتهى الأمانة".
الاخوان
جماعه الاخوان
الجماعه الارهابيه
الارهاب
شائعات الاخوان
تويتر
الموضوعات المتعلقة
خبير بالحركات الإسلامية يوضح حجم الانقسام داخل الإخوان
الإثنين، 21 سبتمبر 2020 10:42 م
وائل الإبراشى: الثورة لا يمكن طمسها والإخوان تستحق قائدا مثل التافه محمد على
الإثنين، 21 سبتمبر 2020 10:37 م
عمرو أديب يكشف كواليس "خناقة" قيادات الإخوان بسبب المقاول الهارب محمد على
الإثنين، 21 سبتمبر 2020 10:33 م
صلاح عبد الله فى حوار خاص ل"تليفزيون اليوم السابع": لجان الإخوان بتهاجم أى حد بيتكلم عن البلد كويس.. إديت دروس و"الجلطة" منعتنى من الأكشن.. لاعيبة الزمالك دلعهم ماسخ ورضا عبد العال بيضحكنى
الإثنين، 21 سبتمبر 2020 10:22 م
مختار نوح: المقاول الهارب هو البضاعة المتاحة حاليا لدى جماعة الإخوان
الإثنين، 21 سبتمبر 2020 10:06 م