"شيرى وهيدى" يناقشان الخصوصية بين الراجل والست فى "راجل و2 ستات".. شيريهان أبو الحسن تحذر من تفاقم مشكلة الخصوصية بين الزوجين.. سامح حسين: مراتى هى اللى عملتلى كل "الباسوورد" بتاعتى.. وهذه الأسئلة يكرهها الرجال

ناقش برنامج "راجل و2 ستات"، الذى تقدمه الإعلامية شريهان أبو الحسن، والفنانة هيدى كرم، على قناة "ON"، أزمة الخصوصية بين الرجل والمرأة، والذى قد يؤدى إلى عدة مشكلات، واستضاف البرنامج فى حلقة اليوم الفنان سامح حسين.
وعلق الفنان سامح حسين على أسباب طلب الزوجة "الباسوورد" لهاتف زوجها، مردفاً: "احنا الرجالة مش بنطلب الباسوورد، احنا بنطلب الموبايل كله".
وأضاف سامح حسين خلال لقائه برنامج "راجل و2 ستات": "انتوا اللى بتاخدوا الموبايلات كتير وتفتشوا كتير، ومين اللى بيتكلم؟، بنبقى قاعدين فى الحظر دا زى الفراخ المبلولة". وتابع: "عندكم فضول تعرفوا كل حاجة إذا كان الباسوورد بتاعنا انتو بتعملوه، كل الباسوورد بتاعى مراتى عاملاها، بقولها لو سمحت عاوز الباسوورد بتاع كذا".
من جانبها قالت الإعلامية شيريهان أبو الحسن: "إنتوا بتعملوا حاجات مريبة كل واحد حاطط التليفون فى وشه، وبتعملوه سايلنت".

رايح فين واتأخرت ليه؟.. سامح حسين يوضح أسئلة يكرهها الرجل ب"راجل و2 ستات"
سرد الفنان سامح حسين عددا من الأسئلة التى تسألها الزوجة ويغضب منها الزوج، موضحاً: "فيه أسئلة بتضياق، زى أنت رايح فين وليه اتأخرت؟، إنتى عارفة رايح فين ليه بتسألى، الشك ده هو اللى بيدمر الدنيا".
وأضاف سامح حسين: "سؤال أنت هتاكل ايه النهاردة؟ حاجة تضايق بصراحة، ناكل عادى على مزاجك"، مردفاً: "مدام كدة كدة شاكة يبقى خلاص ابقى كداب وخلاص، إنتوا بتدوا فرصة للرجالة بتتمادى، طالما ماشى صح أو غلط بتشكّوا".
وأوضح الفنان سامح حسين أن المشكلة التى تواجه الزوج أن الزوجة تهدف من السؤال إلى أن تسأل سؤالا آخر، قائلاً: "السؤال ميوديش لسؤال، رايح الشغل طيب اتأخرت ليه؟ طيب هقعد اشرح التفاصيل".

"باسوورد الهاتف".. شيرى تحذر من تفاقم مشكلة الخصوصية بين الزوجين
حذرت الإعلامية شيريهان أبو الحسن من خطورة عدم إدارة مشكلة الخصوصية بين الرجل والمرأة، مؤكدة أنه قد يصل الأمر إلى المحاكم، وبالتالى تنتشر الأخبار على المواقع والصحف ويكون خارجا من محكمة الأسرة، مردفة: "حكاية الباسوورد بتاع التليفون والخصوصية قد يصل بنا إلى دعاوى طلاق وغيرها".
وأشارت شيريهان أبو الحسن، خلال تقديمها برنامج "راجل و2 ستات" برفقة الفنانة هيدى كرم، على فضائية "ON"، أن هناك رجلا رفع دعوى نشوز ضد زوجته بسبب خلافاتها بسبب "باسوورد" الهاتف، ويرفض أن يمنحها "الباسوورد" وتطورت الخلافات، وطوال الوقت تراقب كل شىء فى حياته"، متابعة: "السيدة وصل بها الحال أن تستعين بمهندس كمبيوتر لفك شفرات باسوورد كل ما يملكه زوجها".

هيدى كرم: "جيل الشباب من أبنائنا مرعب والحل الوحيد مصاحبته"
علقت الفنانة هيدى كرم على الخصوصية بين الرجل والمرأة، وتغيير "باسوورد الهاتف"، مردفة: "الراجل بيغير الباسوورد مرة كل أسبوع من باب الاحتياط، لما بتيجى تجرب بتلاقيه متغير".
وأوضحت خلال تقديمه برنامج "راجل و2 ستات"، برفقة الإعلامية شريهان أبو الحسن، على فضائية "ON"، أنها لا تستطيع معرفة "باسوورد" هاتف ابنها، خاصة أن الشباب لديهم التكنولوجيا عالية، حيث يضع أكثر من "باسوورد" داخل هاتفه، مردفة: "عامل الباسوورد بالبصمة".
وتابعت الفنانة هيدى كرم: "ابنى بيجى يحكيلى لك حاجة مش بحتاج أدور على باسوورد، ابنى مش بيخاف منى دا أنا اللى بخاف منه، الجيل دا مرعب والحل الوحيد إنك تصاحبه".
الخصوصيه بين الزوجين
راجل و2 ستات
سامح حسين
شريهان ابو الحسن
هيدى كرم
شيرى وهيدى
الموضوعات المتعلقة
رايح فين واتأخرت ليه؟.. سامح حسين يوضح أسئلة يكرهها الرجل ب"راجل و2 ستات"
الإثنين، 01 يونيو 2020 06:13 م
سامح حسين ب"راجل و2 ستات": مراتى هى اللى عملتلى كل "الباسوورد" بتاعتى
الإثنين، 01 يونيو 2020 06:05 م
على أنغام "مليونير" .. هيدي كرم تكشف كواليس الحلقة الأولى من "راجل و2 ستات"
الإثنين، 01 يونيو 2020 01:01 م
نهال عنبر تنضم لفريق برنامج "راجل و2 ستات" تقديم شريهان أبو الحسن وهيدى كرم
الإثنين، 01 يونيو 2020 11:06 ص
اليوم.. سامح حسين ضيف شريهان أبو الحسن وهيدى كرم فى ثانى حلقات برنامج "راجل و2 ستات"
الإثنين، 01 يونيو 2020 08:00 ص
خفة الدم والضحكة.. شاهد برومو حلقة سامح حسين في "راجل و2 ستات" اليوم
الإثنين، 01 يونيو 2020 07:26 ص