محمد محمود عبد العزيز: "ياسمين بألف راجل واللى عمله أخوها مش رجولة"

هاجم الفنان محمد محمود عبد العزيز، شقيق الفنانة ياسمين عبد العزيز لهجومه عليها على مواقع التواصل الاجتماعي بعد اعلان ارتباطها من الفنان أحمد العوضي، واستخدامه ألفاظ غير لائقة على صفحته بموقع "فيس بوك"، ونشر "محمد محمود عبد العزيز" فيديو للتعليق على حسابه الخاص بموقع "انستجرام" وعلق عليه قائلا: " الف خساره على الرجوله لما اخ يتكلم عن أخته كده.. ياسمين ب1000 راجل".




View this post on Instagram









ياسمين ب1000 راجل (اسألكم الفاتحه و الدعاء لابويا و لكل من رحلوا عنا)
A post shared by محمد محمود عبدالعزيز (@mohamedmahmoudabdelaziz_) on
Mar 3, 2020 at 5:12pm PST
وقال محمد محمود عبد العزيز، خلال رسالته بالفيديو: "أنا مش مصدق ومش فاهم إن في ناس بتعمل كده وأخوات بتفكر بالطريقة دى بالنسبة لي هبل وفى مواقف تتحط تحت بند هبل والموضوع تحول الى أننا بنفضح بعض واخوات في بعض وبنتكلم على بعض ونقول أى كلام في أى حاجة والسوشيال ميديا دمرت دماغنا لهذا الحد".

وصوب محمد محمود عبد العزيز، نقده لوائل عبد العزيز قائلا: "اللي بيحصل ده ملوش أي علاقة بحاجة اسمها رجولة ولا اخوة ولا تربية وده خرج بره نطاق المنطق تماما، وانا مش مقتنع ولا مصدق اللي بيحصل خالص وانا فاكر اهلينا زمان ربونا وعلمونا اننا نتلم مع بعض بس ده للى اتربى وده للأهل اللى ربت، والمنطق بيقول اننا نقفل على بعض ونحل مشاكلنا جوا بعض ومنصغرش بعض قدام الناس واللي ملوش كبير بيشتري له كبير".

وتابع: "اللى حصل ده ملوش علاقة بالرجولة خالص والمشكلة الأكبر من ده كله أتكلم على واحدة منعرفهاش ووحدة مش معروفة انها بألف راجل.. ياسمين جدعة وراجل مع أصحابها واللي عملته ده مش صح والموضوع زاد قوي وحسبي الله ونعم الوكيل في الجنان والرصاصة طلعت ورشقت في قلب اختك، ومليون خسارة على الرجولة".
محمد محمود عبد العزيز
ياسمين عبد العزيز
احمد العوضي
الموضوعات المتعلقة
العوضى لشقيق ياسمين عبد العزيز: بيت إيه يابني اللى أدخله من بابه دي بتصرف عليك
الأربعاء، 04 مارس 2020 09:41 ص
بعد هجوم شقيقها عليها.. ياسمين عبد العزيز وأحمد العوضى يعترفان بحبهما علنًا
الأربعاء، 04 مارس 2020 07:09 ص
شقيق ياسمين عبد العزيز يغلق حسابه على "فيس بوك" بعد هجومه عليها
الأربعاء، 04 مارس 2020 03:08 ص
شقيق ياسمين عبد العزيز يعاتبها على فيس بوك: "صورك جت على حساب سمعتنا"
الأربعاء، 04 مارس 2020 12:04 ص