القارئ أحمد كشك يكتب: على لسان يتيم

يا اللى شايله بالحب همى
الحنان جواكى طارح
انتى أصلا جوه دمى
بدعى رب الكون يصونك
استحالة هعيش بدونك
مهما أتعب لجل خاطرك
كل ده عشان عيونك

م انتى ياما سهرتى بيا
قبل ما تفتح عنيا
كنتى تشقى لجل خاطرى
والحنان حاسوا ب إيديا
ربنا عوضنى بيكى
خد أبويا قصاد عنيكى

كنت احس معاه بأمان
نوروا كان مالى المكان
كان مدفينا بحنانوا
على وشه كان باين إيمانه
و فى الجنه يعلى مكانوا
وانتى فاكرة
وانتى قادرة
وانتى شلتى حمول وصابرة

ربنا يرحم أبويا
ربنا يبارك فى أمة
اللى سهروا عشان عيونه
لازم ادعى لهم وأسمى
بسم ربى عز شأنوا
بسم كل حاجات كتيره
هدعى ليك يا أبويا
وامى
لجل ما نكمل مسير

حنان الام
رعاية اليتيم
الايتام