باسم شعبك والشباب والشهيد اللى ما غاب مش ح اسيب حقك يابلدى حتى لو طارت رقاب مش ح اسيب فاسد يعدى المصيرأصبح فى يدى فى الميدان كان التحدى والميدان مالوهش باب مش راح أسمح بالإهانة مش ح اسيب للظلم خانة واللى ناوى يعيش معانا يبقى عاشق للتراب مش ح اضيّع تانى صوتى وللا ردى يكون سكوتى لو ح يبقى فيها موتى مش ح افرّط فى الكتاب مش ح اغمض تانى رمشى حتى لو حكمت مانامشى واللى يرضى الله ح يمشى مش ح ناخد غير ثواب كل فاسد من زمامه هو واللى كان امامه يتمسك يعرف مقامه حتى لو سلم وتاب القانون ع الكل ماشى ع اللى قاعد واللى ماشى واللى جه اسمه ومجاشى مش ح يفلت م العقاب ابن مصر العالية هامتة الميدان عنوان اقامتة والفساد قامت قيامتة وابتدا يوم الحساب اللى كان القرش دينهم مش ح نظلم حد منهم مستحيل نعمل عشانهم حد أدنى للعقاب اللى كان فى الشعب طايح كان واخدنا لفين ورايح كل دى كانت فضايح كل دول كانوم ذئاب فى افتقارنا كان يفنن وان طلبنا يقول يحنن واللى لسه مكنش سنن بالمباركة طلع له ناب كل دى كانت قساوة منى انا تاخد أتاوة تبقى طامع فى العلاوة وانت عندك كام حساب