مصر بتتقطع هدومها

الغريب أن اللى كان مع النظام ** أن اللى كان ديما يقول كله تمام **واللى كان خايف فى عهده من الكلام **واللى كان بيترعب لو جالوا مره ف المنام ** واللى قال أهى عيشه عايشنها والسلام **دلوقتى ليه طلع له صوت وبيقول حقوقى أنا مش ح اسيبها لو حتى أموت **واقف يقطع فى الطريق يمنع ليه قطر علشان يفوت **مصرالجديده لازم تفرق مين العدو ومين الصديق **مين اللى بيقطع هدومها **ومش عايزها تعدى يومها **ومش عايزها تقوم تفوق **كلنا لمصر خدامها**ليه نبقى سبب أحزانها** ليه فيك كتير من العطن يا وطن مسروق** وأحنا دلوقتى فى خطر **والفساد زى المطر **وكل يوم بتبان أشاره **عايز اقول لأخواتى النصاره **احسبوها حسبه تانيه * الكلام بقى فيه مراره **والفتن بتقوم فى ثانيه **مبن هيدفع الفتوره ومين ح يتحمل خساره** انت جارى فى كل حته فى كل شارع وكل حاره **والنهارده كلنا لينا حقوق **النهارده ندى فرصه لمصر تتعافى تفوق **مصر لينا كلنا لا هيه عزبه ولا هى سوق **مصر محتاجه لولادها مسلم مسيحى ليه نفتت العلاقه اللى بينا **ليه التاريخ يكتب علينا ان أحنا خونا **التاريخ الحقيقى اليوم فى مصر بينكتب **التاريخ شاهد علينا مين اللى بيقدم لمصر ومين الى خانها وكذب **أسمحولى لازم يكون فى مصر يد من حديد **مافيش تهاون مع الفساد من أى نوع ** ولا ندى فرصه للى عايزنها تسوء تجوع أمن مصر فوق الجميع ** عمره ما كان عبد لسييد **أضربوا على أييد كل فاسد بيد من حديد