روح الوطن حضن الوطن روح الشهيد دم الشهيد هو التمن علشان وطن حر ومجيد روح الشهيد ساعة الأدان تطلع ترفرف ع الميدان وتقول هنا نولت المنى وفرحت بالنصر اللى كان روح الشهيد بتقول يامصر أنا حبى ليكى مالوهش حصر أنا ليا فيكى يامصر نصر وليا فوق فى الجنة قصر دى الروح هناك متنعمة وبتيجى من سابع سما ترمى السلام ع الطيبين وبتدعى بالخير والنما قالوا الشهيد رغم الألم لحظة ما مات ليه أبتسم أصل الشهيد شاف من بعيد للجنة سكة بتترسم أم الشهيد خالد سعيد شافت ضناها فى المنام لابس حرير والتوب جديد فارس وماسك فى اللجام شافت كمان ضحكة ف عينيه بتقول ياأمى الحزن ليه أنا واللى زيى استشهدوا فى نعيم ياريتك كنتى فيه أمى افرحى دا أنا مطرحى ماخطرش على بال العباد واول ياأمى ما تصبحى قومى اخلعى توب الحداد ومن النهارده دموع مفيش وان جابوا سيرتى ما تزعليش وان مصر عازت حد تانى عليها يامّه ما تبخليش ياام الشهيد خالد سعيد خالد أكيد وهناك سعيد وأنتى أمنا وأحنا هنابقى كلنا خالد سعيد