تعرف على رسالة تامر حسنى لأمير كرارة

هنأ تامر حسنى صديقه النجم أمير كرارة على نجاح مسلسله "كلبش 2"، وعمرو يوسف على مسلسله "طايع"، عبر صفحته على موقع التواصل الاجتماعى "فيس بوك".
وكتب تامر حسنى: "بجد أنا فرحان من كل قلبى لنجاح صديقى عمرى أمير كرارة وعمرو يوسف، وطبعاً فى مسلسلات جميلة تانية، بس أنا بخص عمرو وأمير عشان من 15 سنة قعدنا قاعدة رجالة وكنا بنحلم كدة إحنا التلاتة وبنتمنى وندعى ربنا أن كل واحد فينا يوصل للى هو فيه دلوقتى وعشان ردود الأفعال المحترمة على مسلسلاتكم من كل الناس مليون مبروك على نجاحكم الكبير تعبتوا وتعبكم واضح".
ووجه "حسنى"، رسالة أيضا للفنان أكرم حسني الذى يشاركه بطولة فيلمه الجديد "البدلة"، وكتب له: "وطبعاً مليون مبروك لحبيب قلبى ونصى التانى فى فيلم البدله أكرم باشا حسنى على نجاحه الكبير، بس هو مكانش معانا فى القاعدة دى كان فى قاعدة تانية، إلى الأمام يا رجالة ".

بوست تامر حسنى

ومن جانبه رد الفنان أمير كرارة على رسالة تامر حسنى، عبر حسابه على موقع تبادل الصور "إنستجرام"، قائلا: "الله يبارك فيك أخويا وحبيبى المحترم نجم الجيل تامر حسنى".

رد أمير كرارة على تامر حسنى
كما رد الفنان عمرو يوسف على رسالة تامر حسنى، عبر صفحته على موقع التواصل الاجتماعى "فيس بوك"، قائلا: "حبيبى أبو الرجولة وعِشرة السنين أنت عارف رأيك دايماً مهم بالنسبالى قد ايه و مكالمتك انهاردة وكلامك اللى كتبته ده فرحنى قد إيه أنا مستنى فيلمك الجديد البدلة جدا وسامع كمان سمع خير عن الألبوم أخبارك عندى كل سنة وأنت طيب يا صاحبى وسؤال أخير أكرم حسنى كان قاعد فين ساعتها".
رد عمرو يوسف على تامر حسنى