عمرو يوسف يرد على رسالة تامر حسني ويداعب أكرم حسني

رد الفنان عمرو يوسف على رسالة التهنئة التي بعثها الفنان تامر حسني له ولزملائه أمير كرارة وأكرم حسني لنجاح أعمالهم الدرامية في رمضان.
وعبر يوسف عبر حسابه على موقع التواصل الإجتماعي "فيسبوك"عن امتنانه لاهتمام تامر بتشجيعهم ومتابعتهم قائلًا:"حبيبي أبو الرجولة و عِشرة السنين انت عارف رأيك دايماً مهم بالنسبالي قد ايه و مكالمتك انهاردة و كلامك اللي كتبته ده فرحني قد ايه".
وتابع:"انا مستني فيلمك الجديد (البدلة) جدااااااااً وسامع كمان سمع خير عن الالبوم (اخبارك عندي)، كل سنة و انت طيب يا صاحبي".
وداعب يوسف تامر حسني موجها كلامه للفنان أكرم حسني قائلًا:"سؤال اخير : اكرم حسني كان قاعد فين ساعتها ؟".
وكان تامر حسني كتب رسالة تهنئة على صفحته بموقع التواصل الإجتماعي "فيس بوك"، يهنئ فيها كلا من عمرو يوسف عن نجاح مسلسله طايع، وأمير كرارة عن مسلسله كلبش، وأكرم حسني عن الوصية.
وهنئهم قائلًا:"بجد انا فرحان من كل قلبي لنجاح أصدقاء عمري امير كراره وعمرو يوسف وطبعاً في مسلسلات جميله تانيه بس انا بخص عمرو وامير عشان من 15
سنه قعدنا قاعدة رجاله وكنا بنحلم كده إحنا التلاته وبنتمنى وندعي ربنا ان كل واحد فينا يوصل للي هو فيه دلوقتي وعشان ردود الأفعال المحترمه على مسلسلاتكم من كل الناس مليون مبرووك على نجاحكم الكبير تعبتوا وتعبكم واضح".
واستكمل موجها رسالته لأكرم حسني :"وطبعاً مليون مبرووووك لحبيب قلبي ونصي التاني في فيلم البدله اكرم باشا حسني على نجاحه الكبير".
ورد ساخرا على سؤال عمرو يوسف قائلًا:"بس هو مكانش معانا في القاعده دي كان في قاعده تانيه إلى الأمام يا رجاله".
فيما اهتم كلا من أمير كرارة وأكرم حسني على الرد على رسالة صديقهم تامر حسني وردوا عبر حسابتهم بموقع التواصل الإجتماعي "فيس بوك" برسائل شكر له.