محمد زكريا حبيشى يكتب: لمسة إيديها

وإيديا مش مِستحملة
ب تقربك وب تبعدك
ب تفوقك و ب تسكرك
و الروح معاها مكمله
مسترسله ف الحسن آه
و ب تفتنك
و ب تخطفك و ب أريحيه
و بساطه ب تسكنك
و تحن لَك أجمل مَلك
من كل أوهام الحياه
من حتى روحك تنشلك
لو تترسم
( ليوناردو دافينشى)
معاها يتظلم
صوت ضحكها
محتاج ل بيتهوفن
ب سرعة يُفك شَفرة سحرها
( كيوبيد ) ب نفسه
لو ف يوم شافها
وهى ب تبتسم
كان أنقسم كان اتهزم
وعِرف بإن الحُب
واحه ف قلبها
من قبلها كان كل شىء
ف الكون عَدم
حاول يقارن ( أفلاطون )
بين سحر عينها
وبين مدينته الفاضلة
لكن عَجز
يطرح مُقارنة مُنصفة
بين المدينة
و بين شوارع قلبها
( بيكاسو )
حاول نحتها أوقات كتير
لكن فشل
ما قدرشى ينحت زيها
محتاج سنين
علشان يقرب من ملامح وشها
( هيردوت ) غِلط لما افتكر
مصر ب تاريخها و فنها
هى الهبة للنيل بتاعنا من زمن
لكن قِدر تانى يرتب فكرته
لما اكتشف نبع الحنين
جواها مصدر للحياه
وسط الوطن
( كليوباترا ) لو
شافت مجرد مَشيها
كانت ه تنهار كل يوم
من طبعها
و ب سرعة ه يتوه فِكرها
كانت ه تبقى لها
الوصيفة والخدم
ب يزيد ندم
كل اللى مش حالُفه القدر
يوم وصَلها
و الكل مجبور يتبهر
لو يوم ه يعرف
فَصلها أو أصلها
دا ف رمشها
تكعيبه للعشاق ب يكبر
كل مادا ضِلها
علشان كده
الكل مَفتون ب القمر
بس الأهم إن القمر
مفتون ب مين
ف اتعلمى أرجوكى
جنبى تفضلى
واتعاطفى مع قلبى الحزين
خايف يعيش العمر
محروم من أمل
محتاج يقرب لك قوى
طول الحياة
وتحس بيه أجمل عينين