"ندى" رسامة تشارك بمجموعة "بورتريهات" فنية باستخدام الرصاص وألوان المياه

شاركت الرسامة ندى أحمد فوزى، بمجموعة من رسومتها الفنية باستخدام الرصاص وألوان المياه، وجلاكسى وزخرفة، مضيفة «بحب الرسم جدًا من ابتدائى، وبرسم من إعدادى تقريبا قررت أنى أكون مهندسة ديكور لمجرد حبى للرسم، وبدأت أرسم حاجات حلوة وتعجب ناس كتير حواليا وده كان بيشجعنى، سواء أهلى أو المدرسين وصحابى كمان ده غير أنى عيلة بابا وماما كلها رسامين فى دى موهبة فى العيلة».
جانب من الرسومات
وأضافت عبر رسالتها «طبعًا رسم ابتدائى مكنش بيظبط أوى لكن كنت بحاول برضه لكن من أول إعدادى بدأت أتطور، برسم بورتريهات رصاص وألوان مايه وجلاكسى وزخرفة، وحتى فى مرة رسمت بالمكياج والروچ، كنت بحب ابتكر فى الرسم مش بس أقلد صورة عجبتنى، وكنت بحاول أتعلم وأشوف فيديوهات علشان أحسن من المستوى بتاعى».
الكواكب
وتابعت «نفسى فعلا أنى أكون رسامة كبيرة وأحقق وأنجح فى مجال الرسم علشان أنا فعلا حبه الرسم هو مش مجرد هواية عندى، يعنى مجرد متخيل نفسى فى المستقبل وصلت لحاجة كبيرة كرسامة بفرح علشان ده حلمى، كمان برسم أحلامى كلها، يعنى طموحى أكبر من سنى بكتير، نفسى أكون مهندسة ديكور علشان حبى للرسم والتزين وأفكار الديكور، وأبقى عندى معارض وأقدر أتعلم أكتر وأعلم غيرى كمان، والدنيا كلها تشوف المواهب الجميلة اللى فى بلدنا».
بورتريه فنى لندا
شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع " برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.
بورتريه عن الحرية
رسم ثرى دى
رسم فنى باستخدام الرصاص
رسمة فنية مركبة
رسم فنى لفتاة

الرسامة ندى