مصر طلعت للقمر

بالوشوش ديّا البريئة
دم واحد وانصهر حوّل الأحلام حقيقة
الميدان شاهد عليهم مصر تانية جاية بيهم
دول شباب الصدق فيهم ماهمّهمش غير بلدهم
قالوا طالعين فى المظاهرة كل وش زى زهرة
حوّلوا الغضب لثورة والأمل سلاح فى أيدهم
******
دول شباب ماتم وهمّا بيضحكوا ومبسوطين
مش حرام نقول عليهم إنهم كانوا مأجورين
بعتوا ليهم بلطجيّة ورصاصة حيّة ومطاطية
زاد إصرارهم بالقضية وكسروا صمت عاش سنين
ماتوا فى سبيل الكرامة رفعوا لينا ألف قامة
رجّعوا مصر بسلامة لأهلها الطيبين
*********
مصر كانت قبل منهم منهوب خيرها من سنين
والنماذج الظاهرة فيها المرتشين والمفسدين
دول أطهر وأنبل ولاد قضوا على عصر الفساد
ما أقدرش أقول رأيى بحياد دول عملوا فعلاً ملحمة
خلّوا مصر 00 مصر تانية والسنين ح تشهد وجاية
دول ولاد مصر الأبيّة أرواحهم طايرة فى السما