عمرو أديب مشيدا بتقنية 3D بOn live: "بحس انى بتفرج على فيلم أمريكانى"

أشاد الإعلامى عمرو أديب، بتقنية ال 3D التى استخدمتها قناة ON live فى تغطية ذكرى انتصارات حرب أكتوبر المجيدة داخل الاستوديوهات، كما أشاد بحصول قناة On sport، على حقوق بث مباراة المنتخب غدا أمام الكونغو فى التصفيات المؤهلة لكأس العالم روسيا 2018، وقال: "من الحاجات الجميلة اللى تبسط أن المصريين هيحتفلوا بكرة على قناة مصرية".

وأضاف عمرو أديب، ببرنامج "كل يوم" المذاع عبر فضائية ON E: "الواحد لما بيشوف قنواته بتكبر كده وبتطور بيكون سعيد جدا، وأنا انتمى للجيل اللى بيستخدم ورقة.. ودلوقتى زملائنا بالشاشات، والطيارات كانت بتمشى مع المذيع وسط الأستوديو على on live، والخريطة بتطلعله من تحت الأرض، وأنا حسيت بذهول وتنبسط جدا أن الإعلام المصرى عنده القدرات دى".

وأضاف: "السفير الأمريكى لما جه يتفرج على الكلام ده من أسبوعين انبهر وقال إزاى عندكم الكلام ده، رغم أن التقنيات دى بتتعمل بأيدى مصرية، شيئا مبدع تحس إنك بتتفرج على فيلم أمريكانى".