نفسى ويا ما أتمنيت...!

قلت كتير نفسى.. والنفس أمّارة بالسوء.
نفسى تختفى الأمية من بلدى، علشان مشوفش مهازل الانتخابات.
نفسى ألاقى كل مريض مرتاح وبياخد علاجه.. مع إن فيه مستشفيات كتير!
نفسى الموظف يكون مرتبه كويس يكفيه شر السؤال ويعيشه هو وأولاده من الحلال بدل الرشوة.
نفسى بلدى ترجع زى زمان قبلة للعلم، خاصة أن فيها أساتذة ودكاترة كتير فى كل التخصصات!
نفسى ألاقى شوارعنا نظيفة والناس هى اللى بتعمل ده!
نفسى اللى نجح فى الانتخابات ينفذ ربع اللى قاله فى حملته!
نفسى يرجع تانى الانضباط الشرطى وبلاش نضغط عليهم ونخليهم سلبيين!
نفسى رجل الأمن المنفلت يحافظ على نفسه وسمعة مؤسسته، لأ ضياع الأمن خلى البلطجة ظاهرة للعيان.
نفسى فى حاجات كتير... ولا أنا عيان؟