: سنة جديدة على مصر سعيدة

أحلم وأتمنى سنة جديدة جيالنا
يارب تكون سنة جميلة نحقق فيها كل أحلامنا
سنة فاتت واخدة معاها همنا وأحزانا
سنة جاية جايبة معاها أفراحنا وأحلامنا
سنة جديدة يارب على مصر سعيدة
سنة جديدة نبدأ فيها صفحة جديدة
مش عايزين فيها قلوب جاحدة كلها كره وحقد
عايزين قلوب صافية تعرف تحب بجد
مش عايزين حد يسمم أفكارنا ونبقى منقسمين
عايزين نبقى أيد واحدة بالمحبة عايشين
مش عايزين تانى ناس تموت ومجازر دم
عايزينه يبقى ماضى ويفوت وجروحنا تتلم
مش عايزين ننام ونقضيها بس أحلام وأوهام
عايزين شغل بجد نتحدى بيه صعوبة الأيام
مش عايزين نقول تحيا مصر وجوانا جرح مش عارفة منه حتى أنام
عايزين نقول تحيا مصر ومصر فعلا دايما فى أمان وسلام
وسنة جديدة سعيدة على مصر والمصريين ودايما تحيا مصر مش عايزة كلام