علم "اليوم السابع" أن الكينج محمد منير التقى الملحن الكبير محمد سلطان، فى جلسة طويلة حيث ذهب منير لزيارته بمنزله وذلك لإبلاغ الأخير رغبة منير فى إعادة غناء أغنية "لقيتك فين" التى لحنها وغنتها المطربة الكبيرة فايزة أحمد وكتب كلماتها عمر بطيشة من أجل طرحها فى الأسواق بصوته، وهو ما رحب ووافق به على الفور محمد سلطان، وبالتحديد مقطع معين والذى ينوى منير أن يغنيه وتقول كلماته "اللى غايب هاته تانى.. واللى خاصم صالحه تانى.. عاللى فايته من سنين..اللى حيران طمنه.. واللى قاسى حننه.. واللى غيران هدى قلبه بكلمتين.. يبقوا كل الناس حبايب.. والهوى فى الدنيا دايب.. واعشقوا يا مشتاقين.. وبحبك يا حبيبى معايا ومش معايا.. بحبك ياللى حبى ملوش معاك نهاية". وتعتبر هذه ليست المرة الأولى التى يعيد فيها منير غناء مقاطع أو أغنيات قديمة بتوزيع جديد لكبار المطربين ونجح فيها بامتياز، حيث سبق أن غنى "أنا بعشق البحر"، "شىء من بعيد نادانى"، "حارة السقايين"، "حكايتى مع الزمان"، "يا حبيبى عودلى تانى"، "آه يالالالى" وغيرها من الأغنيات.
وتقول كلمات أغنية "لقيتك فين" والتى يغنى منير مقطع منها..
مافيش فى الدنيا حاجة تقدر تبعدنى عنك
لا الناس ولا انت حتى تقدر تحرمنى منك
لقيتك فين.. وقال لك مين.. تخلينى من العاشقين
وكنا اتنين بعاد تايهين.. ودبنا ساعات فى غمضة عين
وأنا اللى زمان ما كنت بخاف ولا بشتاق
ولا فكرت مرة فى لوم ولا فراق
لقيتنى إزاى فى لحظة بقيت من العشاق
و بحبك يا حبيبى معايا ومش معايا
بحبك ياللى حبى ملوش معاك نهاية
والحب بان عليا.. يا حبيبى بان عليا.. يا حياتى بان عليا
خلانى أشوف بعنيا يا حبيبى اللى ما شفتوش سنين
غيرنى يا حبيبى.. دخلنى فى دنيا تانية
نسانى كنت مين
أنا كنت مين وفين.. قبل ما أشوفك وأقابلك
وإزاى عدت السنين .. إزاى يا حبيبى قبلك
أول مرة اتقابلنا عرفت إنى هاحبك
آخر مرة اتقابلنا أكتر مرة بحبك
شوف عنيا تلاقى صورتك فى عنيا.. يا عنيا يا عنيا
ياللى حبك من زمان مكتوب عليا.. يا عنيا يا عنيا
و بحبك يا حبيبى معايا ومش معايا
بحبك ياللى حبى ملوش معاك نهاية
يا واخدنى معاك.. على فين ما تقول لى.. واكتر من كده ايه
خليتنى أدوب.. وياك على طول.. فى حنان ما اقدرش عليه
بحبك آه بحبك
خليتنى أحب الدنيا وأحب الناس حواليا
خليتنى أحب حياتى واعيش للفرحة الجاية
ياللى واحشنى وبتوحشنى وأنا حتى معاك
ياريت دايما تبقى فاكرنى وأنا مش وياك
يا مشتاقين للحب حبوا زينا
اعشقوا اكتر واكتر ادنا
حبوا تبقى الدنيا دنيا وتعشقوا الليل والقمر
حبوا تبقوا حاجة تانية وتسهروا أحلى سهر
آه يا حب ودعوة من قلبى اللى حب
أمانة ما تفرقش أبدا عاشقين
اللى غايب هاته تانى.. واللى خاصم صالحه تاني.. عاللى فايته من سنين.. اللى حيران طمنه.. واللى قاسى حننه.. واللى غيران هدى قلبه بكلمتين.. يبقوا كل الناس حبايب.. والهوى فى الدنيا دايب.. واعشقوا يا مشتاقين.. وبحبك يا حبيبى معايا ومش معايا.. بحبك ياللى حبى ملوش معاك نهاية".
ويبدو أن الكينج قد اختار هذا المقطع لما يحمله من إسقاط على الحالة المجتمعية التى أصبحنا نعيش فيها.
