غضب مصرى على تويتر بعد هزيمة الفراعنة أمام الأردن..هاشتاج المباراة يتصدر تريند تويتر..مغردون: "بالأداء ده مفيش أمم أفريقيا ولا كأس عالم.. فين أيام ما كان عندنا منتخب بيزلزل الملعب ويكهرب اللى قدامه"

تصدر هاشتاج "مصر والأردن" قائمة الأكثر تداولا على تويتر، بعد انتهاء المباراة الودية التى أقيمت بين المنتخبين، مساء الأربعاء، على ملعب أسوان الدولى.
وانتهت المباراة بفوز المنتخب الأردنى، بهدف دون رد، أحرزه أحمد سمير، فى إطار استعدادات المنتخبين لتصفيات الأمم الأفريقية والأسيوية، وهو ما سبب حالة غضب لدى المغردين المصريين من خلال الهاشتاج، بعد الهزيمة التاريخية، وسوء الأداء فى الملعب وافتقاد الروح القتالية للاعبين.
وسخر المغردين من خلال الهاشتاج، حيث قال محمود نصر: "حتى الأردن اللى ملهمش فى أى حاجة وقلنا هنبهدلهم كسبونا.. إحنا مش نافعين فى أى حاجة.. لا ويقولك عايزين ندخل كأس العالم"، فيما قالت سارة: "هى الكرة فى مصر كده.. أهلى يفرحنا ومنتخب يفضحنا".
بالأداء ده مفيش أمم أفريقيا ولا حتى كأس عالم
فيما قال أندرو: "من الواضح أننا هنفضل عاييشين على ذكريات منتخب 2006"، بينما قال أحمد الصدفى: "عشت وشوفتك يا مصر بتخسرى من الأردن"، وقالت أمينة: بالأداء ده مفيش أمم أفريقيا ولا حتى كأس عالم"، وهو ما أكده أحد المغردين:" هو ده كأس العالم اللى عايزين نروحه.. إحنا مش هنروح مركز شباب بالمستوى ده".
فين أيام لما كان عندنا منتخب بيزلزل الملعب ويكهرب اللى قدامه
فيما استعاد مغردون ذكريات منتخب حسن شحاته، الحائز على بطولة الأمم الأفريقية ثلاث مرات متوالية، حيث قالت أسماء: "مصر مارحتش كأس العالم وهى عندها أبو تريكة وعبد الستار صبرى وحازم أمام وبركات ووائل جمعة.. وهتورح بدول؟، وهو ما أكدته منة :" فين أيام لما كان عندنا منتخب بيزلزل الملعب ويكهرب اللى قدامه".
البنا واخد الجنسية الأردنية من ورانا.. مفيش فاول بيحسبه لمصر
وألقى آخرون اللوم على الحكم محمود البنا، بسبب قراراته التى أثرت على نتيجة اللقاء، حسب قولهم، حيث قال محمد خالد: "أنا حاسس أن البنا واخد الجنسية الأردنية من ورانا.. مفيش فاول بيحسبها لمصر"، بينما قالت إسراء: "واضح إن مشكلة محمود البنّا مع اللون الأحمر".
وانتقد توفيق، تصريحات أسامة نبيه بعد المباراة، قائلا: "أسامة نبيه بيقول خسرنا مباراة وكسبنا لعيبة.. هما فين اللعيبة.. هيا فين المباراة".