بنت وولد

حكاية بلد
عشق.. ونبت
بالحب اتحصد
**
بنت وولد
عشق اتخلق
بين أشعار الورق
وحمامة طايرة
بين جناحاتها رسايل
ف طياتها غرام سايل
ملهوش عدد
**
ولد... ولد
على شوقه اتسند
واتحدى الكون..
واعتمد
على قلبه العاقل المجنون
حطم كل الظنون
وابتدى الحكاية
شق الطريق
بعزم جرىء
لا بينحنى
ولا له نهاية
ولد.. ولد
**
بنت وولد
مش قيس وليلى
ولا عنتر وعبلة
ضى وضي
مفيش زي
حنين قايد
وحنان حى
لقى العيون
على صوت الناى
**
بنت...
الجدايل .. مضفورة.. محبوكة
الأنامل ... مشبوكة
ف الكف
والشمس ويا القمر
بتتزف
الحبيبين شاهدين
وراسمين لهم كهف
من قلبين
ع الشط
الولد.. ويا البنت
**
بنت وولد
الحب لما يعيش
الزمن....يقف ميمشيش
يشاهد..يهيم..يعيش
ف الحب اللى مينتهيش
**
بنت وولد
حكاية البلد
ييجى الزمن
ويروح الزمن
الفرح....الشجن
الريح..تلو الريح
النقش ع الحجر
مفاجأت القدر
متقدرش..
عل حكاية البلد
البنت ويا الولد
****
بنت وولد