قصدك إيه؟

؟؟
مش فاهماك
فى فكلامك حاجه غريبه ومش حسّاك
ليه متغير؟؟
ليه شايفاك فى عيونى صغير
ممكن كل الكون يتغير إلا عينيك
ليه أنا حاسّه عينيك كدابه
ليه مش حاسه حنان فى إيديك
ليه بتخبى عيونك عنى؟؟
طاوعك قلبك حن لغيرى
هنت عليك؟؟
أنا من فتره وحاسّه الفجوه ما بينّا بتكبر
كنت باكدب نفسى وأقول مش ممكن تقدر
تجرح قلبى تنسى إن انا اديتك اكتر
مما خيالك يوم يتصور
لو حسيتنى فى لحظه بعيده ومش حسّاك
طب نبهنى
ولا خلاص مش فارقه معاك؟؟
جرب كده ومسيرك تعرف
ان اللى انتا بتجرى وراهوهم كبير وجريت ويّاه
وان اللى انتا بايدك سيبته لناره وحيرته
راح تبكى العمر عليه
قصدك إيه؟؟؟