هؤلاء كتبوا فى حب قناة السويس.. صلاح جاهين وعبد الرحمن الأبنودى أشهرهما.. وأيمن بهجت قمر وتامر حسين أحدثهما.. والمشروع الجديد أتاح للجيل الحالى فرصة التعبير عن حب تراب الوطن

صلاح جاهين والأبنودى وعبد الوهاب محمد وغيرهم كتبوا فى حب جزء لا يتجزأ من أرض مصر.. كتبوا لقناة السويس، حيث أخذ كل شاعر وكاتب يتغزل ويبدع فى حبه لها بأصوات فنانين شكلوا تاريخ الأغنية المصرية والعربية منهما عبد الحليم وأم كلثوم، ولا يتوقف حب مبدعين وشعراء مصر عن مسارعتهم فى الكتابة إليها مع كل حدث جلل وعظيم يرتبط كما حدث منذ 40 عاما وبالتحديد عام 1975 التى أعيد فيها افتتاح قناة السويس للملاحة الدولية بعد إغلاقها لسنوات، وفى فرحة جديدة يحتفل شعب مصر بمشروع قناة السويس الجديدة 6 أغسطس 2015 ليكتب هذا الجيل شعراء ومؤلفين شعرهم ومؤلفاتهم وخواطرهم احتفالا بهذا الحدث العالمى.
فى السطور التالية نستعرض عددا ممن كتبوا فى حب قناة السويس مشروع مصر القومى الأول على مدار التاريخ، ومن هؤلاء الشعراء مصطفى الضمرانى الذى كتب "المركبة عدت" ولحنها محمد عبد الوهاب وغناها عبد الحليم حافظ وكانت بمناسبة إعادة إفتتاح القناة سنة 1975 وتقول كلماتها:
المركبة عدت وهى ماشية والكل شايفها بتتعاجب
والضحكة آهى زادت وبتغنى كان الأمل مغلوب صبح غالب
رجعنا اللى راح يا بلدنا وفردنا الشراع يا بلدنا
وبعزم الرجال يا بلدنا خطينا المحال يا بلدنا
يا ريس المركب يا ريسنا خطوتنا بيك بتكمل يا ريسنا
عدينا بيك البحر خطينا بيك الصخر
وبقينا بيك قوة هزت كيان الدهر
وأنت زعيم الشعب حارسنا يا ريسنا
كما كتب صلاح جاهين بمناسبة انسحاب المرشدين الأجانب من إدارة القناة بعد تأميمها "محلاك يا مصرى" ولحنها محمد الموجى وغنتها أم كلثوم سنة 1957 وتقول كلماتها:
محلاك يا مصرى وأنت عالدفة والنصرة عاملة فى الكنال زفة
يا أولاد بلدنا تعالوا عالضفة شاورولهم غنولهم وقولولهم
ريسنا قال ما فيش محال راح الدخيل وابن البلد كفى
حيوا الرجال السمر فوق السفينة حيوا اللى جاهدوا عشان ما يفرح وادينا
بصت لنا الدنيا وشافت عملهم غنت بكل لسان على كل مينا
وكتب محسن الخياط "النجمة مالت على القمر" من ألحان محمد الموجى وغناء عبد الحليم حافظ، وتقول كلمات الأغنية:
النجمة مالت ع القمرفوق فى العلالى
قالت له شايفة يا قمر أفراح قبالى
قال القمر بينا نسهر على المينا
دا النور على شط القنال سهران يلالى
شاف القمر ع الضفتين زفة وزينة
قال دا السلام فارد جناحه على المدينة
واللى تحلى المحبة والغنا
وأوعوا تخلوا فى أرضكم دمعة حزينة
قال القمر بينا نسهر على المينا
دا النور على شط القنال سهران يلالى
وكتب عبد الرحمن الأبنودى من ألحان كمال الطويل "حسب الميعاد" التى غنتها نجاة الصغيرة بمناسبة إعادة افتتاح القناة عام 1975.
أما عبد الوهاب محمد فكتب "عقبال اللى جاى يا أهالينا" من ألحان بليغ حمدى وغناء وردة وتقول كلماتها "وأنا على الربابة بغنى وبقول والله بقول اللى عدانا من الأول بأمره بكره كمان هيعدينا ياما لسه كمان هيعدينا من مينا لمينا بسلامة".
وهناك من غنى فى حب قناة السويس الجديدة ولكن بكلمات قديمة منها كتبه كابتن غزالى وغناه محمد منير بعنوان "فات الكتير" وتقول كلماتها:
"فات الكتير يا بلدنا مبقاش إلا القليل فات الكتير يا بلدنا مبقاش إلا القليل أنت بترمى بإيديك قنابل وإحنا إيدينا تزرع سنابل ياللى قلبوكوا البوم ساكنها وإحنا فى قلوبنا ساكنا البلابل وإن كان على الأرض هنحميها وان كان على بيوتنا هنبنيها وعضم إخواتنا نلمه نلمه.. نسنه نسنه نعمل منه مدافع وندافع.. ونجيب النصر هدية لمصر نجيب النصر هدية لمصر فات الكتير يا بلدنا مبقاش إلا القليل".
وكتب تامر حسين "بسم الله" التى لحنها عمرو مصطفى ووزعها نادر حمدى وغناها أحمد جمال، أما أيمن بهجت قمر فكتب "عشرة على عشرة" ولحنها محمود العسيلى ووزعها أحمد عادل وقام بغنائها محمود العسيلى وكارمن سليمان، وكتب إسلام خليل "أول حلم اتحقق" وغناها شعبان عبد الرحيم، وهناك أغنية "ع البركة" التى كتبها أيمن بهجت ويغنيها تامر حسنى ونانسى عجرم، وكتب محمد عبد الجواد "أنا المصرى" التى غناها على الحجار ولحنها أحمد الحجار، ومن كلمات التركى إبراهيم غنى محمد الحلو ونادية مصطفى "بكرة تحلى" وهى من ألحان دكتور رضا رجب، وأغنية "مصر حبيبتى" كلمات مصطفى مرسى والحان وائل عقيد.