"بتروتريد" تدعو للاحتجاج بقصيدة شعر

بدأ العاملون فى شركة الخدمات البترولية التجارية "بتروتريد" بالدعاية لاحتجاجاتهم عبر موقع الفيس بوك الشهير من خلال مجموعتين، وأخيراً بدأت المجموعتان بتوزيع قصيدة شعرية بشكل شبه يومى على المشتركين من العاملين فى الشركة المتنكرين فى أسماء وهمية حتى لا تتم ملاحقتهم مثلما أكد كريم رضا المنسق العام لإضراب العمال.
وتضمنت القصيدة تحت عنوان "صرخة رجل مظلوم من بتروتريد"، ويقول مؤلف القصيدة الذى لم يذكر اسمه "يا أهل بتروتريد أنا جاى لكم شاكى.. من ظالم فى شركتكم خلانى عالدوام باكى.. وباع لى وظيفة خالية وبنيت فيها بيت.. اتاريه باعلى الهوا وياريتنى لشركتكم ماجيت.. وجه أصحاب اللايحة خدوا فلوسى وهدوا البيت.. وقالولى روح للوزير يبنيلك فى الهيئة بيت.. ورحت اشتكى وأقول لطارق بيه.. قاللى اسكت يمشو ايه دول اصحاب بيت.. واتسرقت لايحتنا بعقود وهمية.. ورحت أطالب بحقى قالولى دى لايحة ميه ميه".
وأضاف مؤلف القصيدة: "وسألت فى شركتكم هو ليه كداب؟.. قالولى طارق مش كداب بس خطاب طلع.. كل حياته.. ومعروف عندنا ودا حرفته ومن ربنا عمره ما خاف.. مولود فقير ومن الخير عمره ما شاف.. عاوز اشتكى ومش عارف اشتكى لمين.. عايز اشتكى واطلب التوفيق.. اشتكى لمين وأقول يا ترى وفيق فين؟.. اشتكى بقة لربنا يملى حياته انين.. ويبتليه بالمرض ويخللى جسمه أليم.. ويعيش حياته مريض ولا يشوف فيها نعيم.. دا عمره ما كان صادق ولا قلبه لينا سليم".
وختم الموظف الذى لم يفصح عن اسمه بقوله "يا ظالم يا مفترى افتكر سؤال الملكين.. وسؤال نفسى أسأله لكل المسئولين.. فيم سامح فهمى ينصر المظلومين؟! .. وما تسألوش أنا مين؟ أنا واثق كلكم عارفين"، ووقع أسفل القصيدة "متضرر من آلاف المظلومين".