كان ياماكان

وكان ياما كان
فى جماعة وجمعية وحزب
وتنظيم دولى
موجود فى كل مكان
من الآخر
كلهم على بعضهم
اسمهم إخوان
كان كل هدفهم يوصلوا للحكم
واتحققت المعجزة
بعد ما الشعب قام بالثورة
والثورة طوفان
ركبوا على الثورة وعملوها جمل وحصان
ووصلوا بدعوة التقوى والدين والإيمان
وبعدين اكتشفنا كلنا
بعد آخر صبرنا
أن كل ده كلام فى كلام
وشفنا منهم الذل والغلب والقهر
والفقر والهوان
والنفاق والكدب كانوا لهم عنوان
قام الشعب عليهم
مكملوش العام
بعد ما كان عندنا أمل فيهم
يخلوا مصر تسابق الزمان
ويعرفوا قيمة الإنسان
رجعونا أعوام ورا أعوام
وكان لازم واحد من الاتنين يبقى
يا مصر يا جماعة الإخوان
ومصر لازم تبقى مهما كان
وعلى قد ما الشعب المصرى
صبور وطيب وعلى قد حاله وغلبان
إلا أنه أثبت للعالم وخصوصا الأمريكان
أنه يقدر يفجر من الغضب بركان
من النهاردة مفيش حاجة اسمها إخوان
من النهاردة مفيش حاجة اسمها إخوان
إحنا شوفنا منهم أشكال وألوان
هما اللى حكموا على نفسهم بنفسهم
وكل شىء انكشف وبان
كل أما يزيد حرصهم على الكرسى
الشعب يكرهم كمان وكمان
منهم دلوقتى اللى فى السجن
والباقى مستنى السجان
وده مش ظلم ولا عدوان
دا أقل واجب
لأن اللى ما يحترمش الشعب
لازم الشعب يعلمه الاحترام
صح ولا أنا غلطان
المشكلة لحد الآن
أنهم عايشين فى التوهان
وبيقولوا اللى حصل ده انقلاب
طيب أنا عايز أعرف فين الانقلاب
ومين اللى عمل الانقلاب
وياترى أية الأسباب
يا اللى وصلتوا البلد للخراب