رحيل الخال أبنودى

يا أبنود (أبنودك) مازالْ
رغم الألم والجراح
رغم الأسى وإللى راح
هايفضل فارسك دايما ..خالْ
هايبقى بسماره هايبقى بحلاوته
وسيرة الهلالى وغنوة حبايبه
مين ده إللى يقدر بعدك ينادى
بصوت بلادى ..أنا مش قايلك
مكانك هايفضل دايما خالْ
وصوتك مجلجل ياعم عبده
بصوت الصعيدى من جوه قلبه
وعصايتك تدق ..فى كل قلب
وفى كل ركن ..آه يا بطل على الجمالْ
كلامك فى سيرتك
ولهجة حديثك..عالبساطة
تقولش صوتك ..صوت خلخالْ
والله زمان عالجمالْ
عيون القلب بتنادى
عالحليوه الأسمراني
والقلب الأخضراني
زالبت جمالات ..والعنكبوته
ومين ده إللى ينسى ..الأرض والعيالْ
وأنا والناس وأحمد سماعينْ
وصمت الجرس
رحيلك يا بطل .زلزالْ
وأنا مهما قلت ومهما كانْ
هاتفضل بصوتك ..هاتفضل بطيفك
هايفضل مكانك دايما ..خالْ
وداعا يا رجل وداعا يا بطل
وداعا ياخالْ