نشطاء فيس بوك يحتفلون بعيد الأم على طريقتهم..أشهر الإيفهات عن أجمل الأمهات المصريات..30 جُملة ترددها الست المصرية الأصيلة يوميا على مسامع أبنائها

احتفل نشطاء مواقع التواصل الاجتماعى فيس بوك وتويتر بمناسبة عيد الأم على طريقتهم الخاصة، وذلك للتعبير عن مدى حبهم لأمهاتهم، من خلال رصد أشهر العبارات والنصائح التى ترددها الأمهات المصريات على مسامع أبنائهن، مؤكدين أن السيدات المصريات كلهن خريجات مدرسة واحدة، فيما يخص الكلمات التأديبية التى يوجهنها لأولادهن.
وعلق النشطاء بأن هذه العبارات يجب أن توضع فى كتاب بمسمى «مأثورات الأمهات»، لتكرارها على لسانهن جميعاً، ورغم أن أغلبها «أوامر ونواهى وتهديدات»، فإنها نابعة عن الحب الشديد وحرص الأم على أن يكون أولادها الأفضل، وقام المشاركون فى الفاعلية برصد أشهر 30 عبارة مشتركة بين الأمهات بشكل ساخر وهى:
1 -
إيه ده؟..معرفش.. بس دى عليها عرض.. هاتيها هاتيها «أم فى سوبر ماركت»
2 -
أمى كل ما تعمل فراخ تقولى: مش أحلى من «كنتاكى»؟.. والله يا أمى لو كنتاكى شمو خبر بالموضوع ده هيقفلوا كل فروعهم
3 -
الله أكبر.. أوطى التليفزيون
الله أكبر.. أطفى البوتجاز
الله أكبر ..طيب أعمل إيه
«الأم المصرية وهى بتصلى»
4 -
ولو كلمتها وطلبت منها حاجة وهى بتصلى «الله أكبر» يعنى موافقة «الللللله أكبرررررر» يعنى مش موافقة
5 -
ما تتكلمش بصوت عالى فى الحمام
6 -
الأم المصرية تفضل طول اليوم تتفرج على قنوات الأكل وبعدين تقوم تعمل بسلة ورز ولما تعترض تقول: «غيرك مش لاقى العيش»
7 -
هيجى يوم واسيب البيت ومحدش هيعرفلى طريق
8
أنا ماليش دعوة التانيين بيعملوا إيه أنا ليا دعوة بيك أنت
9
البنت: ماما أنا جعانه عايزة حاجة أكلها
الأم: ما تهزى طولك وتقومى ده اللى زيك فاتحين بيوت
10 -
حاسس فى يوم فرحى وأنا بسلم على أمى هتقولى: «قمرررر» بس خد كيس الزبالة ده وانت نازل
11 -
ذاكر سعتين بتركيز كأنك ذكرت اليوم كله (الغريب أما تقعد تذاكر سعتين يقولوا وهى دى مذكرة)
mom i love you
:12
- فى البلاد الأجنبية البنت
i love you too my sweety:الأم
وفى مصر البنت: بحبك يا ماما
الأم: اللى يحبنى بجد يكنس الشقة ويمسحها ويغسل المواعين
13 -
الساعة تبقى 10 تلاقى أمك فتحت شبابيك الأوضة وتقولك قوم بقينا الظهر.. توقيت جرنيتش بتاع الأم المصرية
14 -
أمى أول ما تدخل أوضتى: افتح الشباك، روق السرير، شيل الهدوم، رتب المكتب، أعدل الكرسى.. ماما فكرتى تغنى «راب»
15 -
ماتلزقش فى التليفزيون عنيك هتبوظ
16 -
مالكش دعوة بالسياسة وماتمشيش فى مظاهرات.. خلاص حضر يا ماما وامشى جوه الحيطة
17 -
أنا ما سألتش مين حطها هنا أنا قلت شليها مكانها
18 -
لو كنت حطتها مكانها كنت لقيتها
19 -
سيب الزفت اللى فى إيدك ..ادى دقنى أهى إن فلحت
20 -
هو أنت كل 5 دقايق تسألنى الأكل هيخلص إمتى قولتلك نص ساعة
21 -
ياريتك حافظ دروسك كده زى ما انت حافظ الأغانى والأفلام
22 -
ما عندكيش حاجة تلبسيها؟ ده دولابك مليان
23 -
ماما: انزل اشترى لينا حاجات
أنا: مش قادر
ماما: طبعا ما احنا لو أصحابك كنت نزلت جرى
24 -
بلاش أكل بره محدش عارف بيعملوه إزاى ماتتأخرش وهات عيش وانت جاى
25 -
أنا عمرى ما كلمت مامتى بالطريقة دى
26 -
ليه انت اللى تروح تذاكر عنده وليه هو مايجلكش
27 -
إزاى هتعرف إنك مش بتحبها وانت ما دوقتهاش
28 -
هو أنا قاعدة على تل فلوس..أنا ما بلاقيش الفلوس على الأرض
29 -
أمى لما بتبرد بتلبسنى جاكت ولما اعترض تقولى: «هو أنا ورايا غير المرواح عند الدكاترة»
30 -
الأم المصرية تسيب المسلسل التركى بكل تفاصيله وتيجى تقولك بص «الأنتريه» ده حلو إزاى