يا سيادة المجتمع

يا مجتمع مظلوم
و لنفسك ظالم
تتلام و لا تلوم
وانت مجهول المعالم
هَدِيت شباب و لا هَدِّيت
أنا منّك
و لّا منّك استكفيت
غرّبت
خرّبت
و نمت و اتدفّيت
و لا صاحى تحضن
تطمّن
و لّا و لا اتهزّيت !
بتمُوت و لا تمَوِّت
بتسيب شبابك
يحلم يكون
و لا حلمه عليك يهون
انت الأمان
ولا دار المهان
أكونلك سلاح
ولا ناوى تسيبني
اكون فيك رصاص
ادفن بقايا فشل
دمّه فاح
تكونلى وطن
ولّا أرضى بغيرك
يموت فيك خيرك
عشان دفنت فيّ
قصة كفاح
لقيتها بعيدة
حكايتها مش سعيدة
خطواتها عنيدة
كأنك مصمم
إنّ فيك أندِفِن
تقدر تقولي
يا سعادة المجتمع
انا ظالم و لا ظالم
و لا انت اللى ظالم
وربنا عالم
إنى خايف أجرحك
لأن منّك دمي
وفيك أبوى و امي
وديه آخر حاجة لى فيك
و أدينى بامدحك