أمنيات حلوة

أمنيات جميلة
يا سلام لما المحبة
تملا قلوب البشر
وشوية وحبة حبّة
الخير راح ينتشر
والحب ينام فى قلبك
ودا عمره ما كان حجر
تلقى النفوس سعيدة
وبتغنى للقمر.
يا سلام ع الابتسامة
تسعد كل الصعاب
والكلمة الحلوة دايما
تفتح أجعصها باب
ينزاح الهم عنّك
من حزن واكتئاب
ويعود القلب أخضر
ويعود ليك الشباب
ياسلام لو كل واحد
يبقى لمصر أمين
يقعد يقرا كتابه
يجلى قلبه الحزين
ويعود للقلب نوره
بعد غشاوة السنين
قلبه للفطره يرجع
طالب عون المعين
ياسلام على الحنان
لما يكون لك ونيس
تشكى له همّ قلبك
ويكون أفضل جليس
يكتم سرّك فى قلبه
وللسر يكون حبيس
وياويل اللى ماعنده
صاحب حيعيش تعيس