استقبل الرئيس عبد الفتاح السيسى، اليوم الخميس، الطفل أحمد ياسر المريض بسرطان الدم، الذى تمنى لقاء الرئيس فى وقت سابق، وأهدى الطفل الرئيس مصحفًا شريفًا كهدية تذكارية، كما دار حديث ودى بين الرئيس والطفل أحمد ياسر، عبَّر خلاله الرئيس عن أطيب أمنياته ودعواته له بالشفاء العاجل، وإلى نص الحوار: الرئيس: أخبارك أيه.. اشوفك كويس إن شاء الله.. عايز تقولى أيه؟ الطفل: عايز أقولك ربنا يحميك يا ريس الرئيس: أنت اسمك أيه الأول؟ الطفل: اسمى أحمد يحيى الرئيس: أنت فى سنة كام؟ الطفل: فى تانية إعدادى الرئيس: طب قولى بقى عايز تقولى أيه؟ الطفل: عايز أقولك ربنا يوفقك يا ريس الرئيس: اللهم ما أمين ربنا يسمع منك الطفل: عايز أقولك ربنا يحيمك وأنت حبيبنا يا ريس الرئيس: وأنت كمان حبيبنا يا أحمد الطفل: أنا جايب لك هدية الرئيس: أنت جايب لى هدية!! أنا اللى أجبلك هدية الطفل: مصحف اتفضل الرئيس: مصحف بسم الله ما شاء الله متشكر يا أحمد وقام بتقبيله. الرئيس: أنت عايز أيه بقى؟ الرئيس: أنا عايز نقولك ربنا يوفقك والد الطفل: هو مش عايز أى حاجة هو بس كان نفسه يشوفك الرئيس: أنا عارف.. أنت مش عايز أى حاجة والد الطفل: الحمد لله يا ريس ربنا يحميك ويحفظك الرئيس: بتروح المدرسة ولا صعبة؟؟ ولد الطفل: لسه شوية الرئيس: أحنا بقالنا قد أيه بنتعالج كده؟ الوالد: الشهر الرابع الرئيس: إن شاء الله هتبقى زى الفل ولما تخف هشوفك وأنا متشكر أنك ادتنى الفرصة أشوفك واطمئن عليك ودعوتك غالية عليا.. وأنا عايز أجيب لك حاجة حلوة أجيب لك أيه؟ الوالد: متتكسفش يا أحمد الطفل: ولا حاجة الرئيس: عايز أجيب لك حاجة عايزها؟ الطفل: شكرا الرئيس: خلاص هبعتهالك لغاية البيت ماشى ولو عوزت أى حاجة اطلب وسلم على أخواتك ومامتك وكل القرايب والحبايب وادعلنا صحيح زى الكلام اللى أنت كاتبه. الوالد: والله العظيم بيدعيلك وبيقول يا رب اشفينى ويحميك يا ريس الرئيس: إن شاء الله هيشفيك وتبقى زى الفل.. ماشى يا أستاذ الرئيس: عايز تطلع أيه لما تكبر؟ الطفل: شكلك الرئيس: شكلى أنا!! الوالد: عايز يطلع ظابط الرئيس: إن شاء الله تبقى ظابط قد الدنيا بفضل الله بس ظابط أيه جيش ولا شرطة الطفل: شكل اللى معاك الرئيس: ربنا يوفقك يا أحمد ويحفظك ويخليك لوالدك ووالدتك ولينا وربنا يخليك لينا يا ابنى وتبقى قد الدنيا وعايز حاجة؟ الرئيس: هبعت لك هدية على البيت خلاص.. ومتشكرين على الزيارة وتعالى بقى لما أبوسك. وقام الرئيس بتقبيل رأس الطفل المصاب بالسرطان موضوعات متعلقة: بالصور والفيديو.. السيسى يستقبل طفلًا مريضًا بالسرطان بناءً على رغبته