"السبب مجهول" قصيدة جديدة لمحمد نبوى

سألنا يوم قالوا السبب مجهول مات الأمل فينا وعدى بينا العمر وياريته بأيدينا نرسى فى يوم على بر حلمنا تاه الحلم وداق مرار الذل فارس وصابه السهم وصاب معاه الكل أفكارنا واتصادرت واتقال خيابة وجهل خطوينا ليه واقفة غارسة ليه فى الوحل
وسألنا يوم قالوا السبب مجهول الفرصة مش باينة وسط الغيوم والخوف والزحمة بتوه ومفيش طريق مكشوف أرواح بتتهادى فى طريق سريع أوقطر وبيوت بتتهاوى خارج نطاق الحظر سكك بتتكسر وكل يوم فيها حفر ورصيف بيتظبط عشان أمام القصر
وسألنا يوم قالوا السبب مجهول
وكل من قادر يظلم يدوس ويغش وسببه شىء واحد هو أخونا القرش سموم فى كل مكان ميه وهوا وطينه ده إحنا بشر يا زمان إيه اللى بقى لينا دخان وبقى عادة فى أيدين صغار السن مفاهيم ومش واضحة وسط الهموم والحزن وشباب كتير ضايعة بين السموم والجنس وحلاله مش بالسهل يسمع ده مين ويحس العيب فى مين يا خال من تحت أو من فوق خايف فى يوم أسأل أنا ليه كائن مخلوق برده يكون الرد السبب مجهول
رسالة إلى المجهول