فى الحسين.. ممكن تشترى من "محمد" فانوس عليه اسمك بجنيه

بجولة فى شوارع خان الخليلى بمنطقة الحسين يمكنك أن تشترى فانوسًا خشبيًا صغيرًا محفورًا عليه اسمك أو اسم من تحبه بجنيه واحد فقط من فرشة "محمد إبراهيم" الشاب العشرينى، الذى قرر أن يبتكر فانوسا مختلفا عن المنتشرة فى الأسواق من خلال حفر أكبر عدد من أسماء الذكور والفتيات على الفوانيس التى يبيعها، والتى تستخدم كميدالية أنيقة أيضًا تناسب الشهر الكريم.
يقول "محمد"، ل"اليوم السابع": "الحال واقف ونحاول جذب الزبون بأى طريقة، عشان كده فكرت أعمل حاجة مختلفة أتميز بها عن فرش السبح والمصليات والفوانيس اللى مغرقة خان الخليلى، وفعلاً عجبت الزبون وناس كتير بتقف تدور على اسمها أو اسم اللى بتحبه، واللى مبيلاقيش اسمه بيطلبه منى، وفى خلال يومين بكون حضرتله طلبه".
جنيه واحد فقط هو سعر ميدالية الفانوس المحفور عليه اسمك، والتى لم يرفع "محمد" من سعرها حتى لا يهرب منه الزبائن: "خليت سعرها جنيه واحد بس عشان تبقى على قد الجيب، والبركة فى القليل".