نفسى يرجع عمرى عشرين سنه واكون حارس ربيعك فى صفاه وتجيلى جراة شبابى أعترف لك إنك أرق أنثى عرفتها أجمل جميله شفتها وارق نسمه اتنفستها أه من عنيكى ياملاكى سحر ماشفته ف سواكى ولا إبتسامتك نور بيملا الدنيا كلها ولاشفايفك 0 ضحكتك 0 همستك حتى صمتك أبلغ دليل على رقتك ولا كلامك اللى بيخرج من شفايفك سلسبيل زى صوت عندليب يشفى العليل نفسى أقولك كلام كتير وأكون ف أحلامك فارس أو أمير وأعيش رهن حبك أسير نفسى أضمك واحضنك وتفهمينى وأفهمك بتمنى يوم تيجى وتنادينى واسمع من شفايفك بحبك بتقوليلى بتمنى لحظه ييجى طيفى فى منامك واكون انا الفارس فى سكوتك وف كلامك وتحكى لى ع اللى بتتمنيه واللى نفسى تحسى بيه واللى بتمنى يخطر ببالك ساعتها يتغير حالى وحالك لكنى كل ماقرب أعند وألاقى عمرى بيقوللى إبعد دا الربيع عمره مايتقابل مع الخريف وانت ياشاعر عشقت طيف ورغم إن حبى ليكى مالوش حدود حب من غير أمل من غير وعود لكنه حيفضل ياعمرى أسمى معنى فى الوجود