يَا بِنْتْ اْلإِية!!!

وبكفاية وبزيادة
ومش طبعك
ولا عادة
ولا كنتي
لبحر الهم ولادة
ولا عمرك
عشقتى الحزن
ولا كانت قهوتك سادة
وطول عمرك تحبى الفرح
وعاشقة الضحكة بزيادة
وعارفة الله
وأول من كتب توحيد
وعدت أنبيا عليكي
وختماها بآيات قرآن
ولو نتوضى بدموعك
وأرضك أحلى سجادة
بموت فيكي
يا بنت الإية
وبنت الآه
يا صابرة الله
على طبعك
يا موعودة ومعتادة
ووعد الحق محفوظة
ليوم الدين
ولو فى الهم عاش ملايين
هييجى اليوم
تلاقى خدنا ليكي
دا خد مَدَاس
وخد التانى دا وسادة
وهتنامى وتتغطي
بأمان الله وإذن الله
تبيدى الهم دا إبادة