اقبل يا بطل

والآن دون مغالطات ومن غير تفكير لازم نعرف مين بيحب البلد دى ويخاف عليها ومين بيكرهها ومش فارق معاه اللى بيحصل فيها، أهو كل شىء اتكشف وبان وعرفنا مين بيعشق ترابك يا وطن ومين جبان، مين بيسهر ويحرس ويساعد ومين بيضرب ويحرق ويقتل ومين اللى عليه الوطن هان، ضرب كمين وتفجير مديرية وقتل لواء الداخلية فى الطالبية ومش فارق معاهم الأرواح والدماء كل ده بيحصل فى وقت واحد ونفس المشهد أكيد ترتيب وتنظيم وتدريب على الخيانة من زمان.. لازم تكمل يا بطل وبلاش تسبيها فريسة لكل من هب ودب ونرجع نعيد اللى كان الراجل الجد بيعمل الواجب وروحه على كفه ضد الأعداء مش ضد ولادك.
جندى داخل البلد ومجند بيحمى الحدود ويدافع عن أرضك وعرضك وواحد جبان واقف فى الطريق مجهز نيشان الغدر وقلبه بالحقد والغل مليان وجاء الوقت يا بطل ترمى بياضك وتكشف المستور كمان وكمان، اقبل المهمة من غير خجل أنت الراجل عليك العين مش على الجبان . من بين جنودنا قادم ولبلدنا جدير.. وانت نبت مصرى اصيل وجدع مش حقير ونهاية كل خاين فى السجن يبقى اسير وانت الرئيس المنتظر ومبروك عليك مقدما يا سيادة المشير.