بالصور..لحيتا البلتاجى وحجازى تثيران السخرية بمواقع التواصل الاجتماعى..ونشطاء "الفيس بوك" يتساءلون عن أسباب حلاقتهما وإطلاقهما..ويسخرون: "رجّع يا بنى اللوك القديم لزوم الشغل"..وآخر: "حاسس أنها ملزوقة"

سخر نشطاء موقع التواصل الاجتماعى "فيسبوك" من صورة القياديين الإخوانيين محمد البلتاجى وصفوت حجازى، وذلك بعد ظهورهما اليوم فى قاعة المحكمة مطلقين لحيتهما من جديد، كما تبادلوا عددا من الصور لهم عقب إلقاء القبض عليهما وبعد إطلاق اللحية فى محاكمة اليوم.
وتبادل النشطاء عدد من العبارات والمقولات الساخرة والنكات على القياديين الإخوانيين، متسائلين عن أسباب حلقها وإطلاقها من جديد، قائلين: "رجع يا بنى اللوك القديم لزوم الشغل"، "كنت هاموت من الضحك بعد ما شفتهم بالذقن طب كانوا تعبوا وحلقوهم ليه من الأساس"، "حلقتوها ليه من الأول ولا هو فراغ بقا"، "بعد ما شوفت دقن البلتاجى وصفوت جتلى حالة هسترية من الضحك ليه حلقوا ذقنهم من الأول"، "البلتاجى أهو الحلق شنبه وهددنا بالعمليات الإرهابية.. ده آخر مصيره غير مبكى عليه".
بينما أطلق آخرون عدد من المقولات الساخرة على صفوت حجازى بعد إطلاقه لحيته، قائلين: "يا ابن العفريته يا صفوت لحقت الدقن طلعت وابيضت بالسرعة دى، وكمان رافع شعار ربعة أنت مش قولت إنك متعرفهمش وأول مرة تشوفهم"، "ربنا يثبتك يا دكتور صفوت ومتحلقهاش مع أول شلوت"، "لحقت يا صفوت تربى ذقنك تانى مش عارف ليه حاسس إنها ملزوقة"، "أومال فين أبو دوجلاس اللى اتبرأ من رابعة"، "أهو صفوت اللى عمل سكسوكة وهرب وسابكم للموت دلوقتى عامل بطل"، "أول مرة أشوف دقن بتطول بالسرعة دى".
فيما سخر نشطاء من حديث المنتمين للجماعة والذين شككوا فى صحة القبض على صفوت حجازى، قائلين: "الشيخ دوجلاس حجازى أو ما يسمى صفوت حجازى خدو بالكم الإخوان بيقولو مش هوا طبعا أوعوا تصدقوا إن هو.. خليهم زى ما أنتو"، "الإخوان أكلوا دماغنا وقالو عن صفوت ده ممثل وليه محضرش المحاكمة مع مرسى دلوقتى لكل الإخوان أهو صفوت ورجع زى الأول بالضبط"، "الأول قالوا على صفوت حجازى مش هو ودلوقتى أمال مين اللى كان فى القفص انهارده".