"مخابرات البلتاجي" تشعل تويتر.. وأبرز التعليقات: "خروف المستحيل"

للواقع - سحر عمرو
تهكم نشطاء مواقع التواصل الاجتماعي "تويتر" علي الخبر الذي تداولته صفحات الانترنت اليوم والذي افاد بأن مكتب ارشاد جماعة الاخوان المسلمين ينوي في ترشيح الدكتور محمد البلتاجي القيادي بجماعة الاخوان المسلمين وحزبها السياسي لمنصب رئيس المخابرات العامة. يذكر ان البلتاجي علق علي خبر توليه رئاسة المخابرات قائلا :"سأقبل مسئولية تولى المخابرات العامة المصرية فى حالة تكليفى بها من مكتب الارشاد و الرئيس محمد مرسى". وسخر النشطاء من شخصية البلتاجي وتوليه منصب رفيع كرئاسة المخابرات العامة حيث كتب النشطاء عدد من التعليقات الساخرة علي الهاشتاج #البلتاجي_في_المخابرات_العامة علي موقع التواصل الاجتماعي "تويتر" كان منها : - البلتاجي هيموت علشان يشتغل في المخابرات - حتى لو شغلوه عروسة من اللي بيربطوا عليها المعتقلين. - يعني هو هايبقى زي نادية الجندي و يتعمل فيه زيها. - البلتاجي النسخة المصري من اليس في بلاد العجائب: لواحظ في أرض اللواء. - يا ترى في علاقة بين إشاعة #البلتاجي_في_المخابرات_العامة والصوابع الخفية وقطع كابل النت البحري لإغراق سفينة الوطن؟! ... ولا الحكاية فقط #نحس !! - #البلتاجي_في_المخابرات_العامة وقريبا البلتاجي في الاسطول و البوليس الحربي و تنتهي السلسلة بالبلتاجي في السجن. - كل واحد مننا جواه مرتضى منصور صغير لما يعرف اننه ممكن يبقة #البلتاجي_في_المخابرات_العامة. - د. نبيل فاروق بدل ما هيكمل كتابة سلسلة رجل المستحيل...هيطلع سلسلة تانية اسمها "خروف المستحيل". - يا حزب الكنبه مصر بتقع كفايه نوم كفايه الخراب جاى من كل حته البوم بدأ يعشش فى كل مكان. - طب لو #البلتاجي_في_المخابرات_العامة كده في أمل ان أنا امسك اتحاد الكرة... مبدئيا أنا عندي دقن و دي بداية ظريفة و كومبيتيتف ايدج مش سهلة. - #البلتاجي_في_المخابرات_العامة ده اخره يقوم بدور نينو ابن أخويا متشولح في رأفت الهجان. - #البلتاجي_في_المخابرات_العامة... اول تصريح للبلتاجي .. جمعة الشوان ورأفت الهجان من مؤسسي جماعة الإخوان .. وبالنسبة ل إستر من ماجاهدات حماس. - ده كبيره المغامرين الخمسه وهو يبقي الشويش فرقع. - لما تبقى عايش فى بلد شعبها جاب واحد حبسجي يحكمها طبيعي اللمبي يروح مخابراتها. - الراجل قال هيكلم الإخوان ويتأكد من ترشيحه.. بطلوا افترا بقى - هيخلي كلمة السر بين الظباط عبارة عن أصوات بالأنف والحنجرة !!. - هذا وقد ارسل بيريز برقية شكر ل #مرسي لحسن اختياره لل #بلتاجي رئيسا للمخابرات معللا ان اسرائيل هتفشخنا ((:. - يعني منفعش يدخل عالشرطة يروح المخابرات؟علي النعمة النسراللي برةالجهاز مابعيد يشكرلة ومش بعيد ينقرة في حتة كدة. - علي كدة اول مايمسك، هيسلم مرسي لإسرائيل، والمرشد تسليم أهالي، حتي يخلي له الجو. - د.نبيل فاروق هايبتدي يكتب سلسلة بعنوان "خروف المستحيل". - شفرات:"القبلة"يعني المقطم.."جيفارا"يعني بديع.."Mr.Cover"يعني مرسي.."في ذكرى مذبحة الأبطال"يعني عالعيد الكبير!!. - نبيل فاروق:عاد أدهم للمنزل الآمن بجنيف ليجده خالي ويجد رسالة من الخاطفين"الملفات مقابل حياة زميلتك أم أيمن"!. - لازم نعيد كشف حقائق التاريخ التي أخفاها النظام عن بطولات المخابرات كالبطل جمعة الكتاتني و البطل رأفت الشاطر. - النداء في اللاسلكي هيبقى ( من خروف الى نعجة ). - اللي يتمسك تجسس الاستاذ عزت العلايلي هيقوله "عاش خاين ومات خروف ". - يستورد 200 ألف جورنال مخروم لضباط وعملاء الجهاز. - أبو داوود زمانه متحزم و بيرقص فى الموساد دلوقتى.