مشتاقة وآسفة

اسألى قلبى اسأليه
حبى ليكِ شكّله إيه
فيه ليالى الفِكر طالت
وأنتِ شوقك بتداريه
ليه مجرد كُنت ضيفك
عِشت سرحان وسط زيفك
لما حبيت يوم أأقرب
شُفت تلج ف عز صيفِك
كان هواكِ لحد تانى
كنت ليكِ قلب جانى
كنت نُقطه بين سطورك
وسط كراسة أمانى
ليه حنينك كان مداعبة
وأنتِ ليه بالقلب لاعبه
كنتِ فعلا محتجانى
ولا كانت بس لعبة
غدر قلبِك شايلهولى
والبُكى ليه وصفهولى
فيه كلام جواكِ حاير
وبعيونك سألهولى
كنت يوم محتاجه مال
يومها قلبك ليا مال
وابتدت مِنك محبة
وانتهت فينا الآمال
قولى مشتاقة وآسفة
للحنين جواكِ واصفة
بس مهما تقولى ليّا
قلبى ليكِ مش هيصفىَ
ابعدى عنى وروحى
يا أمل قلبى وروحى
وانسى إنى أنسىَ ظُلمك
يا سبب حزنى وجروحى