خروف العيد

ندرا عليا السنه دى لادبح قطيع خرفان
هديه منى لحبابى المرجله الجدعان
هادبح خروف منهم للجيش ورجالته
وادبح خروف للقياده وفارس الفرسان
......
و(نبيل) كمان الشهيد هادبح عشانه خروف
اللى اتقتل بالرصاص بإيدين غبى حلوف
وكل فارس شهيد هاضحى علشانه
علشان ينوبنى كمان زى الشهيد معروف
......
مانة اللى يضحى يضحى للثورة
اللى لولاها ما كانت مصرنا حرة
واللى لولاها ما كنا خلصنا من الإخوان
وكان زمان الشباب طفشان على برة
......
خايف أقول (للسيسى) هادبح عشر خرفان
أحسن يقولوا عليّه فى أى شىء طمعان
أنا كبرت خلاص داخل على السبعين
لكن وجاه النبى أنا بيه كتير فرحان
......
يارب وحياة حبيبك مد لينا ايديك
وانا عارف انك كريم ومصر غاليه عليك
وفق يارب الجميع لحب مصر عشان
الخير يزيد للجميع وإحنا لجأنا إليك
......