عيد عبدالملك: مصطفى محمد أبلغني بتصميمه على الاحتراف.. وتعويضه ليس مستحيلا

أكد أحمد عيد عبدالملك، نجم الزمالك السابق، أنه اجتمع بمصطفى محمد مهاجم الفريق خلال الفترة الماضية، مؤكدًا أن اللاعب أبلغه بإصراره على خوض تجربة الاحتراف وعدم تأجيلها إلى ما بعد أولمبياد طوكيو.
وقال عبدالملك، في تغريدة نشرها عبر حسابه الرسمي على "تويتر"، الجمعة: "مصطفى محمد مصمم على الاحتراف، اتكلمت معاه في التمرين قبل ماتش بيراميدز لما روحت النادي وهو مصمم على الاحتراف".
وأضاف: "مصطفى محمد مش عاوز يستنى لبعد الأولمبياد حتى، وقالي إن ممكن ما يجيلوش حاجة وقتها".
وتابع: "قلت لمصطفى محمد إنه يروح فرقة من بداية الموسم أحسن من نص الموسم، بس هو مصمم بردو أنه يحترف".
مصطفي محمد مصمم علي الاحتراف اتكلمت معاه في التمرين قبل ماتش بيراميدز اما روحت النادي وهو مصمم علي الاحتراف ومش عاوز يستني لبعد الاولمبياد حتي وقالي ان ممكن ما يجيلوش حاجة وقتها ويمكن قولتله انه يروح فرقة من بداية الموسم احسن من نص الموسم بس هو مصمم بردو انه يحترف ,,
— ahmedeid.14 (@14_ahmedeid) December 25, 2020
وواصل أحمد عيد في تغريدة أخرى قائلا: "محدش يقدر يقلل أو يتكلم على مصطفى محمد فنياً، هو أحسن فرود في مصر طبعاً ومن احسن الفراودة داخل القارة".
وأكمل: "هو حقه يطلع، بس مش الوقت المناسب دلوقتي، ده رأيي وشكراً وخلينا نشوف اللي جاي ووارد يقعد، فمحدش يتسرع ويدوس عليه".
وأتم قائلا: "الزمالك طبعاً أهم من أي حد، بس مصطفى تعويضه مش سهل لكن مش مستحيل".
محدش يقدر يقلل او بتكام علي مصطفي فنياً هو احسن فرود في مصر طبعاً و من احسن الفراودة داخل القارة هو حقه يطلع بس مش الوقت المناسب دلوقتي و ده رأيي و شكراً و خلينا نشوف الي جاي و وارد يقعد فا محدش يتسرع و يدوس عليه الزمالك طبعاً اهم من اي حد بس مصطفي تعويضه مش سهل لكن مش مستحيل ،،
— ahmedeid.14 (@14_ahmedeid) December 25, 2020
يُذكر أن عصام سالم، رئيس المنظومة الإعلامية بنادي الزمالك، أكد أن هناك اتفاق شبه كامل مع مصطفى محمد بأن يستمر إلى شهر يونيو حتى ينهي الموسم الجاري مع الزمالك قبل أن يشارك في أولمبياد طوكيو، مشيرا إلى أن النادي سيحدد قيمته بما يتناسب مع المستوى الذي وصل إليه.