الزمالك يغير شعاره إلى "الفرسان البمبى"

تصدر زى الزمالك تعليقات شباب "فيس بوك"، وكذلك الكوميك التى يتفنن الشباب فى ابتكارها للسخرية من لون الزى الجديد، توقع الشباب أن يغير الزمالك شعاره إلى "الفرسان البمبى" ، "فيتو كافيه" رصدت أبرز كوميك وتعليقات الشباب..
محمد القبيصى: ناقص والله على طقم الزملك جزمة بكعب هيبقى تحفة.
منال ثروت: إن كان الزمالك نزل بالحتة البينك فالأهلى هينزل بالبيبى دول ومحدش أحسن من حد.
محمد عبد المجيد: هو الزمالك لابس كده بجد ولا الحاجة باظت فى الغسيل؟
أميمة عيسى: الزمالك لابس بمبة.. باربى ستايل.
محمد حسن كراوية: إيه اللون الشفتشى اللى الزمالك بيلعب بيه ده.. رابطة الفرسان البمبى.
زياد حرب: الزمالك السنة اللى فاتت كان بيلبس موف هند ميد.. السنة دى هايلبس بينك بفيونكة.
السنة الجاية هايلبس مايوه .. السنة اللى بعدها جمهوره هايغض البصر ويدعيلهم بالستر.. بينك يامنى !