وقال الحمار: إيه فايدة حوارنا!

صاحبى قاللى اسمك إيه؟.. قلت له اسمى الحمار
قاللى ممكن يعنى يبقى بينى أو بينك حوار؟!
قلت إيه فايدة حوارنا.. واحنا دايمًا في انحدار؟!
قاللى عيب اسمع كلامى.. قلت له مش عيب وعار
إنى أفهم وأبقى زيك.. ليَّ عقل وله قرار!
قاللى يا حمار يوم حتندم.. إنت ناوى على المرار
رحت رافسه برجلى قاللى.. ألف شكر صراعنا دار
قلت له صراعى وصراعك.. ليس عندى له اعتبار
قاللى يا حمار إنت عارف؟ إيه بقى خلاك حمار
إن عقلك فيه غباوة.. والحمار هو الحمار!