الفتاة المسحولة: «الداخلية» أفضل كوافير فى مصر

بعد تضارب شهادة صابر حول من قاموا بسحله، توقع الشباب أن تنتقل العدوى إلى الفتاة المسحولة، عبر مواقع التواصل الاجتماعى تناول الشباب قضية صابر والفتاة المسحولة بسخرية، وقالوا ..
محمود عادل: بعد فيديو سحب الفتاة من شعرها.. انتظروا بيان وزير الداخلية.. البنت كان شعرها منكوش والظباط حاولوا يسرحوهولها.. والبنت هتطلع تقول: بجد الداخلية دى أحسن كوافير فى البلد.. واخد بالك أحمادة.
محمد نوبار: حمادة يعدل عن أقواله ويتهم الشرطة بضربه وسحله.. حمادة شكله شرب مصنع بيريل.
محمد التفاهنى: بعد تكرار حوادث التحرش وتعرية المتظاهرين.. قناة "بلاى بوى" تقرر إرسال طاقمها لتغطية الأحداث فى مصر.
رامى الإمام: كده مش فاضل غير العساكر اللى ضرب وسحل الراجل يستنكروا الواقعة.
محمد عبد الستار: حمادة للظابط: شالوط سعادتك كان دافعه للأمام.
رحاب الشويخى: الظباط شالوه من ع الأرض شيييييل.. وجابوله تورتة واحتفلوا بعيد ميلاده.. أنتوا بتقولوا إيه يا جماعة.
عيسى المنير: المتظاهرين هما اللى سحلوه.. واتصور بكاميرا فيها أشعة أسفوخس بتصور الواحد من غير هدوم.
أحمد أبو العزم: أكيد الظباط والعساكر اللى بيسحلوا المواطنين كلهم تبع قسم "الساحل".