مواطن للنيابة: الداخلية كهربت ابنى لأنه كان فاصل شحن

بعد تصريحات صابر بطل فيديو التعرية بأن الداخلية لم تتعدَّ عليه، وضع الشباب سيناريوهات مختلفة لسبب تراجع صابر، فمنهم من قال إن ما حدث كان مجرد حلقة فى الكاميرا الخفية وآخرون رأوا أن الداخلية كانت تحاول إدخاله للمدرعة خوفًا عليه من البرد، واضطرت لسحله." فيتو كافيه" رصدت تعليقات الشباب..
علاء الصايغ: الصورة واضحة جداً لحمادة بعد ما قلع هدومه "لوحده" وعسكرى الداخلية بيتوسل إليه أنه يلبس عشان مياخدش برد..أما بخصوص الشلاليط اللى اتضربها ببيادات عساكر الداخلية واللى كلنا شفناها بعنينا فدى سببها إن حمادة رفض يلبس رغم توسل الداخلية ليه فضربوه بالشلاليط عشان جسمه يسخن وميخودش برد..هو حمادة النهاردة وأنا حمادة بكرة وأنت حمادة بعد بكرة
دلال صابر: إذا رأيت ظابط يكهرب ابنى .. فسوف أشكره وأقول قدام النيابة ابنى كان فاصل شحن..حمادة ستايل
سلمى الريدى: الواحد حاسس أن حمادة فى الآخر هيطلع يقول إنه كان فى الكاميرا الخفية.
فايز عزوز : قفش عالى حمادة، وشه منور من كتر الفلوس اللى اخدها، أو صحته جت على السحل ، والله وأعلم
لمياء مسعد: ماهو لو المتظارهين هما اللى سحلوا صابر يبقى خالد سعيد بلع اللفافة فعلا وشرطة مبارك طافا طيفى طاطا طات.