"6 إبريل" ل"العريان": رفضتم تعديل قانون الحبس الاحتياطي والآن تعاقبون به

قال أحمد ماهر، منسق حركة شباب 6 إبريل: "المضحك في كلام العريان كلمة السلطة بتستخدم الحبس الاحتياطي كعقوبة.. فاكر لما قولتلك نفس الكلمة أيام العسكر وأيام مرسي وقلتلكم عدلوا القانون؟"
وأضاف "ماهر"، في تغريدة له عبر "تويتر"، اليوم الخميس،: "فاكرين أيام المجلس العسكري لما كان بيتحبس شباب الثورة وكان العسكر بيستغلوا الحبس الاحتياطي كعقوبة وقتها، وكان الإخوان في مجلس الشعب، الإخوان رفضوا يعدلوا قانون الحبس الاحتياطي أيام ما كان معاهم مجلس الشعب، واستخدموه ضدنا لما كان معاهم الرئاسة ودلوقتي بيتعاقبوا بنفس القانون".
وتابع: "الإخوان رفضوا يعدلوا قانون الحبس الاحتياطي أيام ما كان المجلس العسكري بيستخدمه للتنكيل بشباب الثورة في2011، وأيام فترة حكم مرسي تم استخدام قانون الحبس الاحتياطي للتنكيل بشباب الثورة ومن ضمنهم شباب6 إبريل، ودلوقتي السلطة الجديدة بتستخدم قانون الحبس الاحتياطي للتنكيل بالجميع كعادة أي نظام فاشي".
واستطرد "ماهر" قائلا: "الإضافة اللي الإخوان بيقولوا إنهم أضافوها لدستورهم لا تلزم بتعديل قانون الحبس الاحتياطي".