النشطاء يستغلون الحظر في كشف أسرار المنزل ومواهبهم الغنائية.. سارة: أختي عندها غمازة.. أحمد: الأوضة فيها 114 بلاطة.. رنا: اتعلمت طريقة الرز المعمر.. سانتوس: جلست والحظر في عينيها

"اكتشافات الحظر" و"أغنيات الحظر" اثنان من الهاشتاج عبر من خلالهما النشطاء عن كيفية قضاء وقت فراغهم الطويل في ساعات الحظر، فقد انشغل بعضهم بعد بلاط شقته، واكتشف آخر أن لديه تليفزيون في المنزل، وبعضهم قام بحصر الأغاني المعبرة عن الحظر، قائلًا: "لكن سماءك ممطرة وطريقك محظور".
ريم محمد: "تسلم الأيادى، يا منيّم من العشا بلادي".
سارة مصطفي: "اكتشفت أن أختي عندها غماازة !!!!.. اكتشفت أن ريموت الريسيفر أطول من ريموت التلفزيووون!".
أحمد عبدو: "اكتشفت إن أختي الصغيره بتعرف تطبخ".
يمن محسن: "الإنسان بيتخن بمعدل 2 كيلو في الأسبوع لأنه مبيبقاش لاقي حاجة يعملها غير أنه ياكل".
آلاء حسام الدين: "بتهزق كل 4 دقايق".
أحمد حسام: "طلع عندنا تلفيزيون في البيت.. الأوضة عندي 113 بلاطة".
ammaez: "اكتشافات الحظر.. أن الصالون بتاعنا مريح اوى".
صامويل سامي: "ساعة الصالة مقدمة عن ساعة المطبخ دقيقة و20 ثانية.. الناس اللي قدمنا ف العمارة اللي ف الوش الغسيل الأبيض خميس وجمعة باقي الأسبوع ألوان.. الديب فريزر في التشغيل الذاتي بيشتغل 10 دقايق و32 ثانية وبيفصل 1 و15 ثانية وبعدين بيعمل دورة تانية".
رفيق عصام: "الحظر حولنا من حزب الكنبة للكنبة نفسها".
رنا هويدي: "اتعلمت طريقة الرز المعمر والكريم كاراميل والجارليك بريد".
كريم العطار: "اكتشفت أن مصروفى كبير بس انا اللى كنت بصرفه بعد الساعة سبعة".
محمد لطفي: "في كل مرة حصل فيها احداث في مصر وفرض حظر تجوال بكون سافرت للسعودية قبلها بأسبوعين طول ماانا في مصر الوضع مستقر الحمد لله".
LujinEl: "مهنة أختى الجديدة هي تصليح التكييفات.. باب التلاجة بيتفتح 70 مرة في الدقيقة.. عرفت بيتى بيتكون من كام بلاطة".
أحمد دريني: "لو حلقت ذقنك الساعة 7 قبل الحظر.. الساعة 6 بعد الحظر هتلاقيها نبتت".
مجدي شريف: "ززززززززززززززززززززززززززززز شوفتى الحركة دى بتضايق ازاى.. ماسك دبانة.. اكتشاف الحظر".
مريم على فهمي: "إن في نمل بيجرى أسرع من البرص!".
معاذ عطية: "من اكتشافات الحظر بقى أن الواحد بق.. يعنى بيبقى فاكر أنه لو قعد في البيت هيعمل حاجات كتير بس مفيش وقت.. وادينا قعدنا وبردو مبنعملش حاجة".
معاذ عطية: "من اكتشافات الحظر أن الgames بتضيّع الوقت".
فوزي تويت: "ابويا قعد 8 ساعات ماممسكش الموبايل".
هاجر علام: "أنا قربت أموت بحظرتى.. القطط والكلاب بيعملوا دويتو غناء رهيب بليل، إزاى كنا بنفوته دا ؟".
عمر خالد: "الريموت فيه 47 زرار غير الزرار بتاع القفل".
محمد وأكد: "ضهر الكوتشى فيه 56 مربع واربع خطوط بالعرض".
أحمد الجمال: "عدد زراير الكيبورد 104 زرار".
بيشو فواز: "اكتشفت أن ماما بتحط 5 كبايات مياه على نص كيلو مانجو واحنا عادي بس ماتقلقوش واني لهم بالمرصاد".
كريم عادل: "أغنيات الحظر.. إنما للحظر حدود للحظر حدود".
مني متولي: "وهي عاملة ايه في الحظر.. أغنيات الحظر".
نور عيسي: "حظرك ياسيسي حظرك ياسيسي لازم إطاوعك لأني عارفك تقدر تحط الحديد في أيدي".
el7agmidoo: "حظورتى الحلوة بقيت طعمة وبقيت 9 يا بيه.. محظورة يا ناس لو نزلت من الشارع للبيت".
أحمد كابو: "لكن سماءك ممطره وطريقك محظور محظور".
إبراهيم خميس: "ساعة الحظر بنت جميلة ركبة دبابة ببدال وسلاحها يطير قدامها بيداري علينا جمالها".
عمرو سانتوس: "جلست والحظر في عينيها، تتأمل حظري المقلوب، قالت يا ولدي لا تحزن، فالحظر عليك هو المكتوب، يا ولدي".