نساء مصر ينذرن السيسي: «إنما للحظر حدود؟!»

الحزب اللي هيكون السبب في اقناع القوات المسلحة لتقليل ساعات الحظر أو الغائه من أساسه هينال %99 من مقاعد مجلس الشعب القادم بلا منازع!
سائقون عمال.. حرفيون.. أطباء.. مهندسون.. ربات بيوت ونشطاء سياسيون.. طلبة.. الجميع أطلق صرخة استغاثة من الفراغ الذي تسبب فيه حظر التجوال ليصبح الفريق عبد الفتاح السيسي أخطر رجل شهدته مصر خلال تاريخها وضع رئيسيها السابقين تحت الإقامة الجبرية وحدد إقامة شعب تعداده 90 مليونا، وتداعيات ذلك إختزال أي زيادة من دخل الأسرة نتيجة لتحديد ساعات العمل.. إلغاء دروس طلبة الثانوية العامة التي تبدأ قبل العام الدراسي بشهر.. وتعليق الأعراس وحبس الأزواج والشباب في المنازل مع آذان المغرب ما يزيد علي 11 ساعة مما يهددهن بالبدانة وقد يصل الأمر في وقت الحظر إلي حد مشاهدة القنوات المحظورة مثل التت والجزيرة.. مما دعا نساء مصر يوجهن نداء للفريق السيسي علي مواقع التواصل الاجتماعي يطالبنه برفع الحظر أو تقليل عدد ساعاته رافعين شعار "إنما للحظر حدود"..ومن أبرز التعليقات التي رصدناها لكم عن ساعات الحظر الآتي:

■ قبل الحظر الولد للبنت اخرك في الشارع 7 انا الراجل وكلمتي تمشي.. في الحظر البنت للولد آخرك في الشارع 7 راجل البلد كلها قال كده.

■ البنات اللي بيتكلموا عن الحظر وهنتخن وبتاع انتو اصلا مبتنزلوش من بيتكوا غير عشان تجيبوا عيش هنحور.

■ مراحل الأكل في الحظر: تأكل علشان جعان بعدين تاكل علشان زهقان بعد كده تاكل احتياطي.

■ دلوقتي الحزب اللي هيكون السبب في اقناع القوات المسلحة لتقليل ساعات الحظر او الغائه من اساسه هينال 99٪ من مقاعد مجلس الشعب القادم بلا منازع!
يذكر أن النشطاء دشنوا علي موقع تويتر هاشتاج يضم أغاني الحظر منها:

■ انما للحظر حدوووود يا سيسي.

■ ما شربتش من نيلها؟.. الميه قاطعة!.. طب جربت تغنيلها؟..صوتى وحش!.. جربت فى عز ما تحزن تمشى فى شوارعها وتشكيلها؟.. جربت الحظر ياختي لاقيته من بدري قافلها.. سم كده!

■ كيفك قال عم بيقولوا صار عندك حظر تجوال.
أنا والله كنت مفكرتك في الساحل مع العيال أغنيات - الحظر
ومن أهم اكتشافات النشطاء في وقت الحظر.
- عدد بلاطات السيراميك في الشقة 244 ارضيات و 121 حوائط
- وزن ترابيزة الصالون.. مساوي تماما لوزن كرسي الانتريه
- درج التلاجة بيشيل 78 لمونة أو 65 خيارة بالطول أو 75 بالعرض
- عندنا 15 فردة شبشب مالهومش دعوة ببعض.
- لقيت شراب ضايع مني فوق الدولاب.
- السيفون بيحتاج الي 6 دقايق و 40 ثانية عشان يملي المية.
وحاجات تانية كتيرة قوي اتعرفت عليها مؤخرا وانتظرونا في اكتشافات أخري جار العمل عليه.