انفراد.. خطة فض رابعة مستلهمة من حرب أكتوبر!

علمت وكالة أنباء هريدي نيوز أن تعبئة القوات الخاصة حول اعتصامي رابعة والنهضة ثم العودة إلى ثكناتها كل كم يوم لا يعد هبلا كما يدعون أو أن الشرطة والجيش مش قادرين عليهم.. الموضوع اسهل من كده بكتير هي المشكلة كلها في خيام الاطفال اللي تم نقلها في المقدمة ليكون الضحايا اطفالا ويتم تسويق الحدث خارجيا.
يقول محرر الوكالة: إنه أثناء تجوله في إشارة رابعة شاف بعينه محدش قاله، أي وربي محدش قال، شاف رجالة المعزول بيحفروا خندق جنب كل جدار بيبنوه بالاسمنت قال ايه علشان الشرطة تقع في الخندق لو حاولت الاعتقال وتبقى مفاجأة تساعد في نصرة المعتصمين، ويشير المحرر إلى أن الناس دي مش عارفة إن فيه طيران بيصور واقمار اصطناعية لابدة في السما طول النهار وان كل حركات الشرطة بالحشد بتخليهم يطلعوا الأسلحة من مخابئها وهم يرصدوها بطياراتهم وباقمارهم.
يؤكد محررنا طبقا لمصدره الفشار: أن المرتين تلاتة اللي تم فيهم الحشد كشفوا مخابئ السلاح وكمياته وانواعه والشرطة والجيش بالفعل بدءوا في زرع العناصر المطلوبة بين المعتصمين للسيطرة على مخابئ السلاح وقت الفض اللي ساعة الصفر بتاعته هاتكون فعلا مفاجأة سيتم تدريسها زي ساعة الصفر بتاعة حرب أكتوبر بالظبط!