بيومي فؤاد: عيني كانت هتنفجر بسبب محمد السبكي وتعرضت لأكبر ظلم في حياتي

أكد الفنان بيومي فؤاد ، أنه كان يبكي بحرقة بعد أزمته الأخيرة في السعودية، مشيرا إلي أنه تعرض لأكبر ظلم في حياته.
بيومي فؤاد وتعرضه للظلم
وقال بيومي فؤاد خلال الجزء الثاني من لقائه في برنامج حبر سري:" من يوم الأزمة لحد النهاردة مبيعديش يوم غير وأنا ببكي بحرقة لأني مش متعود علي الشتيمة، ودا أكبر ظلم أتعرضله في حياتي، أكبر من ظلم محمد السبكي.
وأضاف بيومي:" علي فكرة لما سمعت عن فيلم محمد السبكي أنا عنيا اليمين كانت هتنفجر بسبب ضغط عيني.
قال الفنان بيومي فؤاد:" أقسم بالله أنا ماقولتش لم يعجبني مسلسل الأسطورة، ولم أتهم محمد رمضان في أي وقت من الأوقات أنه سبب حرب الشوارع والبلطجة قالهم حسبوني بعد فيلم شد أجزاء".
وأضاف خلال لقائه في الجزء الثاني من برنامج حبر سري:" وساعتها محمد رمضان كتب:"والله وبقي عندك وقت كمان تبقى ناقد لا خليك في حالك يا زميلي النحيت، والدنيا قامت وأنا ماعرفش لأني معنديش سوشيال ميديا، وفي صديق كلمني وقالي هو أنت فيه حاجة بينك وبين محمد رمضان !!.
وتابع:" ومحمد رمضان بعدها كلمني وقالي أنا بهزر معاك حتى لو تاخد بالك أنا حاطط الكلام على لسان ناصر الدسوقي الشخصية اللي كانت في الأسطورة. وعلشان أثبت كلامي أنا بدعوك على مسرحية أهلا رمضان".
وكان قد أكد الفنان بيومي فؤاد أن السيناريست مدحت العدل هو أول شخص تحدث معه بعد أزمته الأخيرة بالسعودية.

بيومي فؤاد: "أنا بقيت وصمة"
وقال بيومي فؤاد خلال الجزء الثاني من لقائه في برنامج خبر سري مع أسما إبراهيم: "أنا اللي واقف معايا ربنا، وفيه ناس كتير سألت عليا لأني مش صغير في السن وخافوا عليا، ودكتور مدحت العدل أول واحد كلمني والتليفون مكانش معايا ولكن لقيت مكالمات من جميع أصدقائي".
وأضاف بيومي فؤاد: "وصحابي قالولي أوعي تزعل، وأنا كنت خايف أجيب لهم الكلام ما أنا بقيت وصمة دلوقتي.. بالنسبة للأخوة اللي بيشتموني".
بيومي فؤاد يوجه رسالة قوية لمحمد سلام
وكان الفنان بيومي فؤاد، دخل في نوبة بكاء، خلال عرض صورة الفنان محمد سلام، قائلا: "ربنا معاك".
ووجه بيومي فؤاد، رسالة لمحمد سلام، خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "بقوله إزاي متطلعش تدافع عننا؟ إزاي متطلعش تدافع عن محمد أنور وهو ترشيحك في المسرحية اللي عرضناها بالسعودية؟ أنا صدقتك في الفيديو جدا وأنت قلت لا نفاق ولا رياء وأنا وجهة نظري العبيطة علشان أنا راجل طيب مكنتش هتخسر حاجة إنك تطلع تقول أنا مقدرتش مش معنى إن أنور قدر وراح يحصل معاه كده يا جماعة خصوصا إنك طلعت دافعت عن أمير كرارة لما طلعت إشاعة كاذبة إنه مشاك من المسلسل بتاعه وأنت مش معاه، طلعت دافعت عن أحمد الجنايني لما طلعت إشاعة واتشتم بسلسفيل أهله طلعت دافعت ليه مطلعتش تدافع عن محمد أنور مش عني؟ كل يوم بسأل ليه مدافعتش عننا؟ ده اللي كنت مستنيه منك ورزقك على الله هي موتة ولا أكتر، العمر واحد والرب واحد يا أستاذ سلام".
وأكمل: "العمر واحد والرب واحد لكل اللي شتمني وكل اللي فاهمني غلط أنا غلط بس راجل، وأطلع في كل برنامج أقول كده ومعاكم للاآخر".
اعتذار بيومي فؤاد
وتابع: "أعتذر لكل اللي زعلوا مني وبكرة تعرفوا الحقيقة، أعتذر لكل فريق مسرحية زواج اصطناعي علشان اتشتموا واتهانوا بسبب الفيديو بتاعي، باعتذر لمي عز الدين ودنيا سامي وإيمان السيد ومصطفى غريب، ومحمد محمدي وسليمان عيد ومحمد أنور، بس فيه بنات محترمات طالها شتيمة قذرة".
حقيقة الضغط على بيومي فؤاد من السعودية
وأكد الفنان بيومي فؤاد: "محصلش ضغط من الجانب السعودي عليا علشان أقول الكلام اللي قولته على المسرح، وناس من الجانب السعودي رفضوا أتكلم وقالوا ليه ومراتي أيضا رفضت، بس أنا صممت أتكلم لإني كنت مولع وصممت أكتر علشان محمد أنور".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.