بيومي فؤاد باكيا: أنا انتهيت بسبب زعل الناس البسيطة مني (فيديو)

بيومي فؤاد، قال الفنان بيومي فؤاد: "أنا مش هرد على أي حد شتمني لإن أخويا محامي وبالتحري اكتشفنا إنهم ولاد عندهم 17 و20 و23 سنة وأنا عندي 59 سنة، واللي شتمني بأبويا وأمي العيب مش عليهم ولكن العيب على اللي رباهم".

رسالة بيومي فؤاد لجمهوره
وأضاف خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "طالع أتكلم للناس اللي بيحبوا بيومي فؤاد وزعلانين منه بقولهم انتوا فوق دماغي، أطلقوا عليا الشهبندر بحبه والجوكر بحبه جدا".

بكاء بيومي فؤاد
وتابع بيومي فؤاد باكيا: "لما عائلة بسيطة محترمة ويقولولي إننا بنحس إنك واحد من بيتنا وعيلتنا ويزعلوا مني يبقى أنا انتهيت، لو دول زعلانين مني وفاهمني غلط يبقى بيومي فؤاد انتهى، اللي شتمني الله يسامحه واللي عمل دعاية على حسي وقال إن البضاعة بتاعته أرخص من بيومي فؤاد هنقف قصاد بعض في المحكمة وخليك جامد ومتهربش زي بتاع سوهاج اللي شال الفيديو بتاعه ومش عارف إزاي ده سوهاجي الجدعان، أنا رافع قضية ضد كل واحد شتمني وهنقف قدام ربنا والله لو شتمت حد مش هشيلها مهما حصل ليا لإني هتبقى وجهة نظري كده لكن أنا اتربيت مشتمتش وربيت عيالي ميشتموش وبقول لبنتي الكبيرة لما تركبي أوبر أو تاكسي والمشوار بتدفعي 100 جنيه كل مرة والراجل طلب 200 ادفعي ال200 جنيه ولا تسمعي كلمة تجرح مشاعرك ولا تهينك ولا يشوحلك تشويحة".

معاناة بيومي فؤاد
وأكمل: "أنا في نعمة كبيرة بعد الأزمة وعشت أصعب 5 أيام في حياتي علشان كنت أنا وزوجتي في السعودية وأولادي في مصر، وعندي ولد وبنت كبار وشغالين في الميديا نور بنتي مونتيرة ومحمد ابني مساعد مخرج، لما يكتشفوا إن أعز المقربين ليهم بيشتموا "أبوهم" كان الموضوع صعب علينا لإننا مش متعودين على كده".

بيومي فؤاد يتحدث عن أزمة السعودية ومحمد سلام: اتبهدلت وعشت أيام صعبة (فيديو)
بيومي فؤاد: مراتي عملت كنترول علي وبقت تنزل معاي الشغل وهذه نصيحة الزعيم عادل إمام لي
شخصية بيومي فؤاد
وأكد: "أنا شخصيتي متغيرتش ومبقتش حساس زيادة عن اللزوم هظل عبيط بس راجل، وفرحان إني عبيط وحابب إني عبيط وبربي عيالي يبقى عبيط، الطبيب بيقولوا عليه عبيط وأطلب رقم قليل مش كبير فتسمع كلمة مهينة ويقولك أنت مين؟ وصلت منتجة إنها قالت لي إيه الرقم ده أنت هتتعب معانا فقلت لها لو عايزة تديني أكتر اديني".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.